Z 1999 hodu ŭ Turavie pracuje adzinaja ŭ Biełarusi stancyja kalcavańnia ptušak. Jana raźmieščana na ŭskrajku horadu i vychodzić na vializny popłaŭ, dzie štohod hniazdujucca dziasiatki tysiač pieralotnych ptušak. Kab pakazać važnaść hetaha miesca dla pryrody, tut užo siomy raz zładzili «Fest kulikoŭ».
Fest ptušak pravodziać hramadzkaja arhanizacyja «Achova ptušak Baćkaŭščyny» i ŭłady Žytkavickaha rajonu.
U adroźnieńnie ad šmat jakich haradzkich śviataŭ, «Fest kulikoŭ» całkam prasiaknuty ptušynaj tematykaj.
U 2009 hodzie ŭ centry Turava ŭstalavali adziny ŭ krainie pomnik kuliku-maraduncy. U 2011 hodzie vandały jaho złamali, pryjšłosia mianiać na novy.
U dzień festu kala Turaŭskaha łuhu arnitolahi nazirali za ptuškami. Siarod «biordŭočaraŭ» možna było sustreć časovaha pavieranaha ŭ spravach ZŠA Skota Rołanda.
Z centru horadu da stancyi kalcavańnia kursavali «maršrutki».
Tak vyhladaje adzinaja ŭ Biełarusi stancyja kalcavańnia ptušak. Spamiž šarahovaj zabudovy jaje vydzialaje tolki malunak ptuški na płocie.
Štohod tut kalcujuć kala troch tysiač ptušak. Źviestki pra kožnuju asobinu zanosiać u žurnał.
Kožnaje kalco — unikalnaje. Pa im možna pračytać čas i miesca, dzie kalcavali ptušku.
Tak vyhladaje Turaŭski łuh uviesnu. Na 500 hiektaraŭ ptuški źlatajucca dziasiatkami tysiač. U 2014 hodzie tut naličyli 200 tysiač ptušak.
Pastki, rasstaŭlenyja na łuzie, praviarajuć kožnuju hadzinu. Supracoŭniki Navukova-praktyčnaha centru pa bijaresursach Nacyjanalnaj akademii navuk, a taksama valantery ad APB padpłyvajuć da pastak na bajdarkach dniom i nočču.
Pavieł Pinčuk, dyrektar Biełaruskaha centru kalcavańnia ptušak, pravodzić u Turavie da 8 miesiacaŭ na hod.
Navukoŭcy abmiarajuć złoŭlenaha kulika-maradunku.
Hety kulik byŭ akalcavany ŭ Turavie 12 hod tamu. Redka zdarajecca, kab adna i taja ž ptuška dvojčy trapiła ŭ pastku.
Kamientary