U Minskaj vobłaści dni apošnich zvankoŭ i vypusknych viečaroŭ abjaŭlenyja Dniami ćviarozaści
U Minskaj vobłaści 30 maja, 11 i 12 červienia pa inicyjatyvie milicyi pryniata rašeńnie ab abmiežavańni realizacyi ałkaholnych napojaŭ na ŭsich biez vyklučeńnia abjektach roźničnaha handlu.
Jak paviedamiŭ časova vykonvajučy abaviazki načalnika ŭpraŭleńnia achovy pravaparadku i prafiłaktyki UUS Minskaha abłvykankama Andrej Ambražej, rašeńnie pryniata ŭ metach niedapuščeńnia nadzvyčajnych zdareńniaŭ pry praviadzieńni mierapryjemstvaŭ, u jakich voźmie ŭdzieł bolš za 20 tys. školnikaŭ.
Pad uzmocnieny kantrol buduć uziatyja miescy, u pieršuju čarhu zony adpačynku, kudy vypuskniki płanujuć prybyć sa škoł paśla ŭračystych mierapryjemstvaŭ, u tym liku sa staličnych ustanoŭ adukacyi.
U 2015 hodzie pry praviadzieńni anałahičnych mierapryjemstvaŭ supracoŭnikami milicyi i piedahohami za ździajśnieńnie administracyjnych pravaparušeńniaŭ było zatrymana bolš za 20 niepaŭnaletnich, bolšaść — za ŭžyvańnie ałkaholnych napojaŭ, a taksama znachodžańnie ŭ načny čas u hramadskich miescach biez supravadžeńnia darosłych asob.
Niekalki niadobrasumlennych pradaŭcoŭ byli pryciahnutyja da adkaznaści za handal śpirtnym padčas pryniaćcia abmiežavalnych mier.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary