Hałoŭnaje ŭpraŭleńnie raźviedki Ukrainy rassakreciła źviestki pra dvuch instruktaraŭ, jakija rychtujuć snajpieraŭ dla tak zvanaj «Navarosii».
Adnym ź ich akazaŭsia biełarus – 30-hadovy Alaksandr Ściacko.
«Snajpieraŭ na Danbasie rychtuje kamandzir hrupy radyjosuviazi roty śpiecpryznačeńnia, staršy lejtenant Alaksandr Alaksandravič Ściacko, uradženiec Asipovič Mahiloŭskaj vobłaści, vypusknik Navačarkaskaha vyšejšaha vajskovaha kamandnaha vučylišča suviazi. Miescam jaho pražyvańnia značycca Adzincoŭski rajon Maskoŭskaj vobłaści», — adznačajecca ŭ paviedamleńni HUR Ukrainy.
Taksama publičnymi stali źviestki pra inšaha aficera, uradženca Kryma Mikałaja Rašaciłava. Abodva jany adnosiacca da 45-aj asobnaj bryhady śpiecyjalnaha pryznačeńnia PDV Rasii.
Ahułam, pa źviestkach ukrainskich raźviedčykaŭ, aficery 45-aj bryhady padrychtavali bolš za 100 snajpieraŭ, dyviersantaŭ i śpiecyjalistaŭ radyjosuviazi dla ŭdziełu ŭ bajavych dziejańniach na terytoryi Ukrainy.
Kamandziram 45-aj asobnaj bryhady śpiecyjalnaha pryznačeńnia PDV Rasii źjaŭlajecca Vadzim Pańkoŭ, jaki ŭ svoj čas prachodziŭ słužbu va Uzbrojenych siłach Ukrainy.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy21
Kamientary