Mierkiel nazvała ŭmovy nieadkładnaj admieny sankcyj suprać Rasii
Kancler FRH Anhieła Mierkiel nazvała ŭmovu nieadkładnaha źniaćcia sankcyj suprać Rasii. Pavodle jaje słoŭ, heta pavinna adbycca tolki ŭ tym vypadku, kali Maskva vykanaje svaje abaviazacielstvy pa Minskich pahadnieńniach.
«Ja za toje, kab Rasija pastupova nabliziłasia da jeŭrapiejskaj ekanamičnaj prastory, kab u nas, u kančatkovym rachunku, była adzinaja ekanamičnaja zona ad Uładzivastoka da Lisabona», — zajaviła Mierkiel, vystupajučy ŭ piatnicu, 3 červienia, na rehijanalnym partyjnym źjeździe Chryścijanska-demakratyčnaha sajuza (CHDS) u fiederalnaj ziamli Mieklenburh-Piaredniaja Pamieranija. Adnak, padkreśliła kiraŭnik hiermanskaha ŭrada, nielha rabić suprać ułasnym pryncypam na fonie dziejańniaŭ Rasii va Ukrainie.
Na ŭschodzie Ukrainy idzie hramadzianskaja vajna pry padtrymcy Rasiei, i tolki pa hetaj pryčynie suprać Rasii pryniaty štrafnyja miery, skazała Anhieła Mierkiel, dadaŭšy, što padpisanyja ŭ lutym 2015 hoda Minskija pahadnieńni pavinny być całkam vykanany. Ukraina, pa jaje słovach, pavinna, narešcie, znoŭ atrymać dostup da svaich miežaŭ.
«Kali heta adbudziecca, tady my zmožam nieadkładna źniać sankcyi», — zapeŭniła fiederalny kancler.
Ciapier čytajuć
Ejsmant: Statkieviča pamiłavali ŭžo paŭhoda nazad, ale tady jon viarnuŭsia ŭ turmu6
Kamientary