Alaksandr Łukašenka zaklikaŭ udzielnikaŭ Forumu rehijonaŭ Biełarusi i Rasii akazać padtrymku ŭ pašyreńni viaščańnia spadarožnikavaha telekanała «Biełaruś 24» u rasijskich rehijonach.
«Prosta chaču nahadać, što, u adroźnieńnie ad biełaruskich abłaściej, dzie ŭ efiry prysutničajuć usie viadučyja rasijskija telekanały, na Rasiju viaščaje tolki adzin — «Biełaruś 24». I toje nie ŭsiudy, — skazaŭ jon, vystupajučy na Forumie rehijonaŭ. — Ščyra skažu, va ŭmovach ščylnaj nasyčanaści rasijskaha miedyjapola našamu kanału patrebna vaša padtrymka ŭ rehijonach. Ja chaču, kab vy viedali, čym žyvie Biełaruś. Ja chaču, kab vy z vusnaŭ biełarusaŭ napramuju viedali, što takoje Biełaruś — blizkaja i rodnaja vam kraina, dzie žyvuć vašy niachaj małodšyja, ale vašy braty, — a nie ź niejkich haziet i časopisaŭ, jakija prytym nie zaŭsiody abjektyŭna i sumlenna abmiarkoŭvajuć, aceńvajuć situacyju ŭ našaj respublicy».
Jon taksama zajaviŭ pra važnaść zachavańnia i dalejšaha raźvićcia Teleradyjoviaščalnaj arhanizacyi Sajuznaj dziaržavy. «Jaje ni ŭ jakim razie nielha zahubić, jaje treba ŭzmacniać, jaje treba raźvivać», — skazaŭ Łukašenka.
Kamientary