Ministerstva finansaŭ pazbaviła licenzii strachavuju kampaniju «Kientaŭr»
U lipieni 2025 hoda Minfin prypyniaŭ dziejańnie licenzii na paŭhoda da 9 studzienia 2026 hoda.
Ministerstva finansaŭ spyniła dziejańnie licenzii na ažyćciaŭleńnie strachavoj dziejnaści kampanii «Kientaŭr».
«Rašeńnie pryniata ŭ suviazi z zakančeńniem terminaŭ, adviedzienych dla vykanańnia strachavikom patrabavańnia rehulatara pa farmiravańni minimalnaha pamieru statutnaha fondu ŭ pamiery, ustanoŭlenym zakanadaŭstvam Respubliki Biełaruś», — paviedamlaje pres-słužba Minfina.
Z momantu spynieńnia dziejańnia licenzii kampanija pavinna pieradać abaviazki pa raniej zaklučanych joj damovach strachavańnia inšaj strachavoj arhanizacyi abo razarvać damovy (za vyklučeńniem vypadkaŭ uźniknieńnia abaviazkaŭ pa ažyćciaŭleńni strachavych vypłat) i viarnuć strachavalnikam častku strachavoha ŭznosu praparcyjanalna času, što zastaŭsia da zakančeńnia strachavańnia. Taksama kampanija pavinna ažyćciaŭlać strachavyja vypłaty, jakija ŭźnikli da razarvańnia damovaŭ strachavańnia.
Abaviazki, pryniatyja kampanijaj «Kientavr» pa damovach strachavańnia, buduć pieradadzieny Biełdziaržstrachu.
U lipieni 2025 hoda Minfin prypyniaŭ dziejańnie licenzii na paŭhoda da 9 studzienia 2026 hoda.
«Kientavr» — adna z najstarejšych strachavych kampanij Biełarusi, zasnavanaja ŭ 1991 hodzie. U 2020 hodzie rachunki kampanii časova błakavalisia DFR pa spravie «Biełhazprambanka», paviedamlaje Office Life.
-
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
-
«Bajsoł» abvinavaciŭ Stryžaka ŭ admovie pieradać kantrol nad jurydyčnymi asobami ŭ Polščy i ZŠA
-
Departavanym palitviaźniam, kab abžycca na novym miescy, zaraz treba prostyja rečy: vopratka, posud, paściel — zbor
Ciapier čytajuć
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1111
Kamientary