U Tajłandzie pačalisia ŭračystyja mierapryjemstvy ŭ honar 70-hodździa z pačatku kiravańniaja karala krainy Pchumipona Aduljadeta.
Śviatkavańnie pačałosia z relihijnaj cyrymonii ŭ stalicy krainy Banhkoku, u jakoj uziali ŭdzieł 770 budyjskich manachaŭ. La karaleŭskaha pałaca sabrałasia niekalki socień čałaviek.
Dla žycharoŭ Tajłanda manarch źjaŭlajecca simvałam stabilnaści na fonie pastajannych źmienaŭ u palityčnaj situacyi ŭ krainie.
88-hadovy Pchumipon Aduljadet źjaŭlajecca najstarejšym z kirujučych manarchaŭ u śviecie i ŭ apošni čas maje prablemy sa zdaroŭjem. Jon nie źjaŭlaŭsia na publicy ŭžo niekalki miesiacaŭ.
U aŭtorak karalu była zroblena apieracyja na sercy, jakaja, pa paviedamleńniach karaleŭskaha pałaca, prajšła paśpiachova.
Tajcy adčuvajuć hłybokuju pavahu da manarcha, i lubaja abraza ŭ adras karaleŭskaj siamji surova karajecca.
Letam minułaha hoda žychara Tajłanda prysudzili da 30 hadoŭ pazbaŭleńnia voli za abrazu manarcha ŭ sacyjalnaj sietcy fejsbuk.
Kamientary