U patrebny termin nie pryjšoŭ da čytačoŭ čarhovy numar niezaležnaj hazety «Borisovskije novosti».
Sprava ŭ tym, što vydańnie pastajanna drukavałasia ŭ mienskaj typahrafii «Płutas-Markiet», ale na hetym tydni typahrafija pierajaždžała, tamu nie paśpieła svoječasova ŭstalavać drukarski stanok. Hałoŭny redaktar štotydniovika Anatol Bukas damoviŭsia na druk ź inšaj typahrafijaj. Ź jakoj mienavita, sp.Anatol nie zachacieŭ udakładniać. Dyrektar typahrafii pastaviŭ adzinaj umovaj, kab materyjały numaru mieli bolš-mienš neŭtralny charaktar.
Ale ŭ sieradu načalnik typahrafii zaŭvažyŭ u hazecie nievialikuju natatku pra Łukašenku-małodšaha. Jon adrazu zapatrabavaŭ ad Bukasa, kab hety materyjał byŭ źniaty z pałasy. Redaktar pahadziŭsia, dasłaŭšy novy artykuł na hetaje miesca. Ale praz takuju zamienu byŭ ssunuty hrafik vychadu. Zamiest viečara sierady, «Borisovskim novostiam» prapanavali ranicu čaćviarha. Bukas nie pahadziŭsia z takimi ŭmovami.
Pałova nadrukavanaha nakładu pajšła pad nož. Čytačy «Borisovskije novosti» ŭsio ž atrymajuć. Hazeta budzie nadrukavanaja ŭ piatnicu ŭ «Płutas-Markiecie». Pryčym, z natatkaj pra Mikałaja Łukašenku.
Kamientary