16 červienia ŭ darožna-transpartnym zdareńni na asabistym transparcie zahinuŭ vajskoviec terminovaj słužby adnoj z vajskovych častak Bresckaha harnizona, paviedamiła pres-słužba Ministerstva abarony Biełarusi. Minabarony vykazała spačuvańni rodnym i blizkim zahinułaha.
Pavodle nieaficyjnaj infarmacyi, vajskoviec, jaki znachodziŭsia ŭ adpačynku, zahinuŭ pad Brestam u vyniku sutyknieńnia jaho «Chondy» z «Hazam».
Avaryja adbyłasia 16 červienia pryblizna ŭ 10.20 na aŭtadarozie M1/Je30 Brest — Minsk — miaža RF. 23-hadovy vajskoviec byŭ pasažyram «Chondy».
Jak paviedamili ŭ adździaleńni pa ahitacyi i prapahandzie DAI UUS Bresckaha abłvykankama, pavodle papiarednich dadzienych, 21-hadovy brestaŭčanin, kirujučy «Chondaj», ruchajučysia pa pieršaj pałasie ŭ kirunku Minska, adciahnuŭ uvahu i sutyknuŭsia z aŭtamabilem «HAZ», jaki ruchaŭsia ŭ spadarožnym napramku.
Pasažyr «Chondy» ad atrymanych ranieńniaŭ zahinuŭ na miescy. Kiroŭcu z traŭmami hałavy špitalizavali.
54-hadovy mužčyna, jaki znachodziŭsia za rulom słužbovaha «HAZa», nie paciarpieŭ.
Kiroŭca «Chondy» i jaho pasažyr prachodzili terminovuju słužbu adnoj z vajskovych častak Bresckaha harnizona. U pieršy dzień ich vodpusku bieraściejec vioz svajho 23-hadovaha kalehu dadomu ŭ Kobryn.
Pa fakcie DTZ pravodzicca pravierka.
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki8
Kamientary