Rasija – Uels – 0:3.
U hetaj hulni zbornaj Rasii patrebna była tolki pieramoha. U vypadku ničyi naša susiedka vylatała b ź Jeŭra.
Adnak Rasii da ničyi ŭ hety viečar było vielmi-vielmi daloka. Užo na 11-aj chvilinie farbavany błandzin z «Arsienała» Aaron Remzi vyskačyŭ adzin na adzin ź Iharam Akinfiejevym i adkryŭ lik.
Amal adrazu Rasija atrymała i druhuju poŭchu, na 20-aj chvilinie adznačyŭsia Tejłar.
Nie tolki lik na tabło, ale i sama hulnia zbornaj Rasii była žachlivaj. Pieršy tajm pa ŭdarach u stvor varot skončyŭsia ź likam 8:2 na karyść Uelsa. Rasiju ratavaŭ tolki Akinfiejeŭ.
U druhim tajmie trenier rasijan Leanid Słucki pamianiaŭ Vasila Bierazuckaha na Alaksieja Bierazuckaha, u hety viečar bratam spaŭniałasia 34 hady, adnak takija miery ničym nie dapamahli.
Hulnia absalutna nie źmianiła svoj rysunak. Rasijanie ličanyja razy turbavali ŭładańni Uejna Chenesi.
A voś valijcy mahli zrabić lik nieprystojna bujnym. Adnak u druhim tajmie adznačyŭsia tolki Haret Bejł, tym samym jon vyjšaŭ u najlepšyja bambardziry Jeŭra, — 0:3.
Na Radzimie ciapier zbornuju Rasii čakaje niedziciačy razbor palotaŭ, a taksama krytyka ad śpiecyjalistaŭ i zvyčajnych zaŭziataraŭ. Jeŭra-2016 Rasija skončyła z 1 punktam (ničyjoj z Anhlijaj, a taksama parazami ad Słavakii i Uelsa).
U druhim matčy hrupy Słavakija i Anhlija padzialili punkty – 0:0.
Stanovišča ŭ hrupie B: Uels – 6 punktaŭ, Anhlija – 5, Słavakija – 4, Rasija – 1.
Słavakam amal dakładna pavinna chapić 4 punktaŭ dla vychadu ŭ stadyju płej-of.
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš6
Kamientary