Pietycyja ab praviadzieńni paŭtornaha refierendumu ab členstvie Vialikabrytanii ŭ ES nabrała ŭžo 2 młn podpisaŭ. Aŭtar adozvy Uiljam Olivier Chili nastojvaje, što jaŭka pry pryniaćci histaryčnaha rašeńnia nie pavinna być nižej za 75%, kali razryŭ pamiž pieramožcami i prajhraŭšymi składaje mienš za 20%.
Kolkaść prychilnikaŭ praviadzieńnia paŭtornaha refierendumu imkliva raście. Pietycyja, padpisacca pad jakoj mohuć tolki hramadzianie Vialikabrytanii ci ludzi, jakija pastajanna pražyvajuć u krainie, źjaviłasia ŭ piatnicu dniom. Za pieršyja 12 hadzin jaje padpisali 555 tysiač čałaviek.
Da apoŭdnia ŭ subotu pad pietycyjaj, raźmieščanaj na sajcie parłamienta krainy, padpisalisia ŭžo kala miljona čałaviek. Da hetaha momantu kožnuju chvilinu pad pietycyjaj źjaŭlałasia kala 1000 novych podpisaŭ.
Akramia taho, bolš za 100 tysiač podpisaŭ sabrała inšaja pietycyja, jakaja patrabuje adździaleńnia Łondana ad krainy. U brytanskaj stalicy na praviedzienym referendumie z prykmietnym adryvam pieramahli prychilniki zachavańnia siabroŭstva ŭ ES.
Parłamient abaviazany razhladać lubuju pietycyju, jakija nabrali bolš za 100 tysiač podpisaŭ. Urad Vialikabrytanii pavinien u abaviazkovym paradku adkazvać na pietycyi, što nabirajuć bolš za 10 tysiač podpisaŭ.
Kamientary