Prezident Rasii Uładzimir Pucin i prezident Turcyi Redžep Taip Erdahan padčas pieršaj za paŭhoda telefonnaj razmovy damovilisia pra asabistuju sustreču, havorycca ŭ paviedamleńni na aficyjnym sajcie Erdahana.
U zajavie ŭdakładniajecca, što lidary dźviuch krain damovilisia padtrymlivać kantakty i sustrecca asabista. Pry hetym nie ŭdakładniajecca, kali mienavita moža adbycca hetaja sustreča.
Uładzimir Pucin paśla pieramoŭ paabiacaŭ, što ŭrad Rasii pačnie pieramovy z tureckimi viedamstvami ab adnaŭleńni handlova-ekanamičnaha supracoŭnictva pamiž dźviuma krainami. Taksama Kreml płanuje «źniać abmiežavalnyja miery adnosna naviedvańnia Turcyi rasijskimi turystami».
«Pry hetym pažadana, kab turecki ŭrad zrabiŭ dadatkovyja kroki, nakiravanyja na zabieśpiačeńnie biaśpieki rasijskich hramadzian na terytoryi Turcyi», — havorycca ŭ zajavie Kramla.
Pucin padčas razmovy asudziŭ napad na aeraport imia Ataciurka ŭ Stambule, padčas jakoha zahinuŭ 41 čałaviek. Abodva prezidenty zajavili pra svaju prychilnaść baraćbie z teraryzmam.
Ciapier čytajuć
Babaryka: Kali b my pieramahli — vajny va Ukrainie nie było b32
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»88
Kamientary