Na hety raz na łavie padsudnych apynucca jašče troje fihurantaŭ spravy — Michaił Subač, Pavał Vinahradaŭ i niepaŭnaletni Maksim Dašuk. Jašče adzin abvinavačany Alaksandar Barazienka, jaki ciapier navučajecca va Ŭrocłavie, z pryčyny kryminalnaha pieraśledu pryniaŭ rašeńnie nie viartacca na Radzimu. Jaho abjavili ŭ vyšuk.
Na hety raz na łavie padsudnych apynucca jašče troje fihurantaŭ spravy (art. 342.1) — Michaił Subač, Pavał Vinahradaŭ i niepaŭnaletni Maksim Dašuk. Jašče adzin abvinavačany Alaksandar Barazienka, jaki ciapier navučajecca va Ŭrocłavie, z pryčyny kryminalnaha pieraśledu pryniaŭ rašeńnie nie viartacca na Radzimu. Jaho abjavili ŭ vyšuk.
Vieści praces budzie sudździa Valery Jeśman. U 2006 hodzie Jeśman asudziŭ na dva hady abmiežavańnia voli za hrafici barysaŭskich «zubroŭcaŭ» Alaksandra Kazakova i Źmitra Zubro.
Baranić maładych buduć advakaty Iryna Bahnič, Pavał Sapiełka i Śviatłana Harbatok.
Nahadajem, što kryminalnaja sprava suprać čatyrnaccaci maładzionaŭ była zaviedzienaja za vuličnyja pratesty padčas akcyi pradprymalnikaŭ 10 studzienia.
22 krasavika sudździa Alena Iljina abviaściła pieršyja prysudy pa hetaj spravie. Andrej Kim byŭ asudžany da paŭtara hodu pazbaŭleńnia voli, Michaił Paškievič, Taciana Ciškievič, Michaił Kryvaŭ, Alaksiej Bondar, Arciom Dubski, Aleś Stralcoŭ, Aleś Čarnyšoŭ atrymali pa 2 hady abmiežavańnia voli biez nakiravańnia ŭ kalonii adkrytaha typu. Narešcie, Antona Kojpiša i Ŭładzimiera Siarhiejeva pakarali 3,5‑miljonnymi štrafami.
Kamientary