Słužba nacyjanalnaj biaśpieki Armienii ŭ niadzielu zajaviła pra napad na połk patrulna-vartavoj słužby palicyi ŭ rajonie Erebuni na ŭskrainie Jerevana.
Napadniki patrabavali vyzvalić apazicyjnaha aktyvista, adnaho ź lidaraŭ arhanizacyi «Novaja Armienija» Žyrajra Siefilana i inšych ludziej, jakich jany ličać palityčnymi viaźniami. Jany taksama patrabujuć adstaŭki uładaŭ Armienii.
«U Jerevanie ranicaj 17 lipienia ździejśnieny napad na połk patrulna-vartavoj słužby palicyi Armienii. Uziatyja zakładniki», - havorycca ŭ zajavie Słužby nacyjanalnaj biaśpieki. Pa niekatorych dadzienych, niekalki čałaviek atrymali ranieńni.
Palicejskija pravodziać pieramovy ab vyzvaleńni zakładnikaŭ. Usiaho ŭ rukach zachopnikaŭ znachodziacca, pa niekatorych dadzienych, siamiora palicejskich.
Da budynka palicyi ściahnutyja vojski. Darohi, jakija viaduć u rajon Erebuni, pierakrytyja.
Dva čałavieki potym byli vyzvalenyja, adzin palicejski zahinuŭ.
***
Žyrajr Siefilan — apazicyjny aktyvist, vieteran vajny ŭ Karabachu i adzin ź lidaraŭ apazycyjnaj «Novaj Armienii».
Siefilan nieadnarazova krytykavaŭ armianskija ŭłady za pazicyju pa Nahornym Karabachu.
Aktyvista aryštavali 22 červienia na dva miesiacy pa abvinavačvańni ŭ zachoŭvańni zbroi.
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
Ciapier čytajuć
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki8
Kamientary