European Journal of Preventive Cardiolog apublikavaŭ daśledavańnie šviedskich miedykaŭ, jakija vyznačyli dźvie pryčyny, jakija spryjajuć rańniaj śmierci. Vytrymki z daśledavańnia apublikavaŭ partał «EurekAlert!».
Navukoŭcy vyśvietlili, što bazavyja pryčyny zaŭčasnaj śmiarotnaści — heta kureńnie i nizkaja fizičnaja aktyŭnaść. Da hetych vysnoŭ miedyki pryjšli paśla 45-hadovych nazirańniaŭ za 792 mužčynami 1913 hoda naradžeńnia, jakija pražyvajuć u šviedskim Hioteborhu.
Miedyki pačali svajo daśledavańnie ŭ 1963 hodzie, kali ŭdzielnikam ekśpierymientu spoŭniłasia pa 50 hadoŭ. Z hetaha času lekary adsočvali u mužčyn pakazčyki sardečna-sasudzistaj sistemy.
Užo ŭ 1967 hodzie tolki 656 čałaviek z 792 akazalisia zdolnyja zdać test VO2 max, jaki vyznačaje maksimalnuju zdolnaść arhanizma da pahłynańnia i zasvajeńniu kisłarodu. Astatnim heta było zabaroniena pa miedycynskich pakazčykach. U dalejšym takija daśledavańni pravodzilisia raz na dziesiać hadoŭ.
Pa skančeńni niekalkich dziesiacihodździaŭ — u 2012 hodzie — navukoŭcy praanalizavali pryčyny śmiarotnaści ludziej. Paśla padviadzieńnia vynikaŭ usie udzielniki nazirańniaŭ byli padzielenyja na try hrupy (spažyvali 2,00, 2,26 i 2,56 litra kisłarodu ŭ chvilinu).
U chodzie daśledavańniaŭ vyśvietliłasia, čym bolš čałaviek moža zasvoić kisłarodu padčas fizičnych praktykavańniaŭ, tym mienšaja ryzyka zaŭčasnaj śmierci.
Takim čynam navukoŭcam udałosia dakazać suviaź pamiž pakazčykami VO2 max i ryzykaj zaŭčasnaj śmiarotnaści.
U daśledavańniach uličvalisia i inšyja faktary ryzyki: kureńnie, vysoki cisk, chalesteryn u kryvi. Miedyki padkreślivajuć, što nizkaja pieranosnaść aerobnych nahruzak akazałasia naŭprost źviazanaj z zaŭčasnaj śmiarotnaściu.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary