Častka rajonnych haziet užo apublikavała dekłaracyi ab dachodach kandydataŭ u deputaty i padrabiaznuju infarmacyju pra hetych ludziej. Ciapier ŭ hetych źviestkach ukazvajecca infarmacyja pra byłyja sudzimaści, i kandydataŭ z kryminalnym minułym stała našmat mienš. Ličycca, što heta adšturchoŭvaje patencyjnych vybarcaŭ.
Partyja levych «Spraviadlivy śviet» vyrašyła praihnaravać stereatypy i vystaviła ŭ Asipovičach 34-hadovaha kandydata Mikałaja Rachmanava.
Jon naradziŭsia ŭ Śviardłoŭskaj vobłaści Rasii, byŭ aktyvistam BPSM i BRSM
U 2002 hodzie kandydat byŭ asudžany za kradziež, a ŭ 2003 — jašče i za chulihanstva.
Rachmanaŭ — majstar cecha pa vytvorčaści TAA «Techna Mahnietyk». Jon ža źjaŭlajecca aktyvistam Svabodnaha prafsajuza mietalistaŭ.
Letašni dachod Rachmanava skłaŭ… 575,2 tysiačy niedeminavanych rubloŭ, heta štomiesiac usiaho pa 48 tysiač niedenaminavanych rubloŭ (4,8 novaha rubla). Nijakaj majomaści kandydat taksama nie maje.
Na svajoj staroncy ŭ «Adnakłaśnikach» jon zajaviŭ, što admoviŭsia vystupać pa telebačańni i radyjo. Rachmanaŭ patłumačyŭ, što «radyjo amal nichto nie słuchaje», a «abłasnoje TB mała chto hladzić».
Ciapier čytajuć
Źjaviłasia jašče adno FOTA Mikoły Statkieviča paśla vyzvaleńnia2
Kamientary