Jak paviedamlaje radyjo «Svaboda», pryčynaj učorašniaha zatrymańnia dyrektara minskaj biełaruskamoŭnaj himnazii №4 Juryja Bandarenki byŭ chabar 500 dalaraŭ.
«Učora try hadziny trymali paniatych, pierakryli ŭvachody-vychady, z budynka škoły nikoha nie vypuskali, — raskazała adna z vykładčyc himnazii. — Padstava nibyta takaja: dzicio pastupała ŭ piatuju klasu, i baćki ŭ jakaści «padziaki» prynieśli 500 dalaraŭ. Praŭda, jak akazałasia, «miečanych». Tut ža śledam naskočyli supracoŭniki śpiecsłužbaŭ…»
Jak paviedamlałasia, Juryj Bandarenka byŭ zatrymany 18 žniŭnia na svaim pracoŭnym miescy.
«Zatrymali jaho ŭdzień, niepasredna ŭ himnazii. Pierakryty byŭ ceły pavierch, tudy nikoha nie puskali. U kabiniecie dyrektara praviali vobšuk, u paniatyja ŭziali dvuch sakrataroŭ i zavuča, — paviedamiła «Našaj Nivie» krynica, jakaja pracuje ŭ navučalnaj ustanovie. — … Za što zatrymlivajuć Bandarenku, nie paviedamlali. Vobšuk pravodzili piaciora ŭ cyvilnym. Viadoma, što jany zabirali papiery z kabinieta Bandarenki, pryčym tolki tyja, dzie było štości napisana jaho ŭłasnaj rukoju — nadrukavanaha nie brali».
Juryj Bandarenka pracavaŭ dyrektaram himnazii №4 z 1997 hoda. Jahony piedahahičny staž składaje 45 hadoŭ.
Aficyjnaj infarmacyi pra zatrymańnie Juryja Bandarenki pakul niama.
-
Padrabiaznaści napadu padletkaŭ ź bitaj i pistaletami na katedž u Smalavickim rajonie
-
U Mahilovie dobrasardečny złodziej skraŭ hrošy, ale pieratelefanavaŭ, kab viarnuć dakumienty i pakinuć hrošy na viartańnie
-
U Breście piensijanierka patanuła ŭ Muchaŭcy — jana karmiła lebiedziaŭ i ŭpuściła ŭ vadu korm
Kamientary