Paŭtornyja prezidenckija vybary ŭ Aŭstryi, pryznačanyja na 2 kastryčnika, mohuć być pieraniesienyja z-za niajakasnaha kleju, jaki vykarystoŭvajecca na biuleteniach pry hałasavańni pa pošcie.
Jak paviedamlaje miascovaja presa, vybarščyki paskardzilisia na toje, što biuleteni niemahčyma nadziejna zakleić, što robić ich niesapraŭdnymi.
Jak zajaviŭ ministr unutranych spraŭ Aŭstryi Volfhanh Sabotka, hetuju techničnuju prablemu naŭrad ci ŭdasca vyrašyć da 2 kastryčnika. Jon taksama dadaŭ, što ŭ paniadziełak zrobić aficyjnuju zajavu z nahody daty praviadzieńnia vybaraŭ.
Pa dadzienych vydańnia Die Presse, ciapier abmiarkoŭvajucca roznyja daty vybaraŭ, ź listapada da studzienia nastupnaha hoda.
Ab praviadzieńni paŭtornaha hałasavańnia było abvieščana paśla taho, jak Kanstytucyjny sud Aŭstryi anulavaŭ vyniki druhoha tura vybaraŭ z-za šmatlikich parušeńniaŭ padčas hałasavańnia.
U druhim tury prymali ŭdzieł kandydat ad krajnie pravaj Aŭstryjskaj partyi svabody Norbiert Chofier i były lidar partyi «Zialonyja» Alaksandr Van der Belen, jaki atrymaŭ pieramohu ź minimalnym adryvam u 30 tysiač hałasoŭ.
Kamientary