Čym niebiaśpiečny papularny fłešmob, jaki zavirusiŭsia ŭ sacsietkach
U sacyjalnych sietkach nabiraje abaroty čarhovaja chvala papularnaha trendu: karystalniki masava publikujuć kałažy, paraŭnoŭvajučy svaje fota dziesiacihadovaj daŭniny z sučasnymi zdymkami. Adnak ekśpierty pa kibierbiaśpiecy papiaredžvajuć: toje, što dla ludziej vyhladaje jak zabaŭnaja nastalhija, dla raspracoŭščykaŭ štučnaha intelektu i machlaroŭ źjaŭlajecca idealnaj bazaj dadzienych.
Udzielničajučy ŭ fłešmobie, karystalniki dobraachvotna stvarajuć tak zvanyja «datasety» — nabory dadzienych, na jakich navučajecca štučny intelekt, papiaredžvaje telehram-kanał «PR i Digital u dziaržsiektary».
Kali vy vystaŭlajecie dva fota z dakładnaj roźnicaj u časie, vy vučycie ałharytmy raspaznavać uzrostavyja źmieny tvaru z vysokaj dakładnaściu; analizavać dynamiku stareńnia partatyŭnych bijamietryčnych dadzienych; identyfikavać asobu navat pry drennaj jakaści starych zdymkaŭ.
Čym heta pahražaje karystalnikam
Asnoŭnaja ryzyka zaklučajecca ŭ stvareńni dypfiejkaŭ. Atrymaŭšy infarmacyju pra toje, jak mianiaŭsia vaš tvar, machlary mohuć hienieravać videa, jakija amal niemahčyma adroźnić ad realnych. Heta adkryvaje šlach da manipulacyj z bankaŭskimi servisami, dzie vykarystoŭvajecca raspaznavańnie tvaru.
Akramia taho, padpisvajučy fota padrabiaznaściami («tut ja na pieršym kursie BDU» abo «moj pieršy ofis u 2014-m»), ludzi sami vydajuć adkazy na kantrolnyja pytańni dla adnaŭleńnia parolaŭ i stanoviacca mišeńniu dla sacyjalnaj inžynieryi.
«Vy sami dajacie złačyncam začepki: dzie vučylisia, z kim siabravali i jak vyhladali. Heta padmurak dla manipulacyj i kradziažu dostupu da akaŭntaŭ», — papiaredžvajuć admysłoŭcy.
Jak zaścierahčysia
Śpiecyjalisty rajać nie vykarystoŭvać šabłonnyja cheštehi i maski dla takich paraŭnańniaŭ. Kali vy chočacie padzialicca ŭspaminam, varta prynamsi:
abmiežavać koła hledačoŭ tolki blizkimi siabrami;
vydalać z fajłaŭ mietadanyja (datu i miesca zdymki);
Nie pišycie pad fota detali: hod, miesca,vučoba / praca, imiony;
nie publikujcie bujnyja partrety ŭ farmatach «da / paśla».
Pamiatajcie, što luby virusny trend u sacsietkach — heta nie prosta hulnia, a miechanizm masavaha zboru vašaj asabistaj infarmacyi.
Ciapier čytajuć
Minsk siońnia viečaram pahruziŭsia ŭ ciemru. Paśla zahadu Łukašenki37
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary
Heta nie našyja prablemy, chto tam što padrablaje, a prablemy sistem, jakija stvarajucca "śpiecyjalistami pa kibierbiaśpiecy".
Pierakładajuć z chvoraj hałavy na zdarovuju. Užo mnie nielha fotki pościć, bo ich mohuć vykarystać... Nu i nu.