Na 54 hodzie žyćcia 24 vieraśnia pamior zasnavalnik i hałoŭny redaktar «Aŭtaradyjo» Juryj Bazan, paviedamili TUT.BY jahonyja svajaki.
«Jon byŭ sapraŭdnym prafiesijanałam, śpiecyjalistam ź vialikaj litary. Jon moh padniać nastroj kožnamu, jaho ŭśmieška nikoli nie źnikała. Zaŭsiody iskrysty, žyćciaradasny i ŭpeŭnieny ŭ sabie, naš Juryj Bazan. Nam usim budzie vielmi niestavać jaho. Inšaha takoha čałavieka ŭ śviecie bolš niama. Jon da kanca žyćcia zastaniecca ŭ našaj pamiaci jak uzor stojkaści, spraviadlivaści, aktyŭnaści i prafiesijanalizmu!» — havorycca ŭ liście.
«Aŭtaradyjo-Minsk» — pieršaja radyjostancyja ŭ Biełarusi, jakaja pačała viaščańnie paśla raspadu SSSR. Z 1992 hoda i da 20 studzienia 1995 hoda stancyja pracavała tolki na častacie 67,7. U 2001 hodzie była aficyjna zapuščana paralelnaja častata 105,1 FM.
U 2011 hodzie «Aŭtaradyjo» prybrali z efiru. Adnoj z padstaŭ dla spynieńnia viaščańnia stała papiaredžańnie, vyniesienaje Mininfarmam 10 studzienia. Zhodna z aficyjnaj farmuloŭkaj, pryčynaj papiaredžańnia i spynieńnia viaščańnia «Aŭtaradyjo» stała raspaŭsiudžvańnie ŭ efiry radyjostancyi infarmacyi, jakaja «ŭtrymlivaje publičnyja zakliki da ekstremisckaj dziejnaści». Mienavita tak čynoŭniki rascanili frazu kandydata ŭ prezidenty na vybarach-2010 Andreja Sańnikava ŭ rekłamnym roliku pra toje, što «los krainy vyrašajecca nie na kuchni, a na płoščy». Rašeńnie ab zakryćci asprečvałasia va ŭsich instancyjach, ale zastałosia ŭ sile.
Kamientary