Bolš za 30 siryjskich ŭmieranych paŭstanckich hrupovak na čale sa «Svabodnaj siryjskaj armijaj» padpisali zajavu pra toje, što eskałacyja bambardzirovak z udziełam rasijskaj avijacyi ŭ Alepa pazbaŭlaje sensu dalejšyja palityčnyja pieramovy.
U zajavie sił, apublikavanaj u stalicy Ijardanii Amanie, havorycca, što za apošnija dni ŭ vyniku biesprecedentnaj kampanii avijanalotaŭ zahinuli dziasiatki mirnych žycharoŭ.
U hetych umovach hrupoŭki, jakija karystajucca padtrymkaj Turcyi, arabskich dziaržaŭ Piersidskaha zaliva i zachodnich krain, ličać praces pieramovaŭ, jakija viaducca pad ehidaj AAN z udziełam ZŠA i Rasiei, biessensoŭnym.
U zajavie taksama ŭkazvajecca, što paŭstancy nie mohuć pahadzicca na rolu Rasii ŭ jakaści sponsara pieramovaŭ, bo jana źjaŭlajecca sajuźnikam režymu Asada, što čynić złačynstvy suprać ułasnaha naroda.
Apazicyja abvinavačvaje siryjskuju armiju, jakaja abapirajecca na rasijskuju padtrymku, va ŭžyvańni napałmu i chimičnaj zbroi.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary