Ministr zamiežnych spraŭ Uładzimir Makiej abmiarkuje z polskim kaleham Vitoldam Vaščykoŭskim «aktualnyja pytańni dvuchbakovaha supracoŭnictva. Vizit Makieja ŭ Polšču adbudziecca 10 kastryčnika pa zaprašeńni polskaha boku, paviedamlaje pres-słužba MZS Biełarusi.
Vizit prymierkavany da 25-hodździa padpisańnia Dekłaracyi ab dobrasusiedstvie, uzajemnym pryznańni i supracoŭnictvie pamiž Biełaruśsiu i Polščaj. U chodzie vizitu zapłanavanyja sustrečy Makieja z Vaščykoŭskim i inšymi pradstaŭnikami kiraŭnictva krainy.
«Sioleta adbyłasia prykmietnaja aktyvizacyja biełaruska-polskaha dyjałohu. Pra heta śviedčyć, u pryvatnaści, sieryja vizitaŭ u Biełaruś ministraŭ zamiežnych spraŭ, sielskaj haspadarki, achovy pryrody, transpartu, marskoj haspadarki Polščy, adnaŭleńnie mižparłamienckaha dyjałohu, intensiŭnaja praca mižuradavych kamisij i halinovych rabočych hrup», — adznačyli ŭ pres-słužbie.
Pavodle źviestak MZS, pa vynikach studzienia—žniŭnia abjom tavaraabarotu pamiž Biełaruśsiu i Polščaj skłaŭ 1 młrd 381,3 młn dołaraŭ suprać 1 młrd 249,3 młn u studzieni—žniŭni 2015 hoda (rost na 10,6%). Abjom biełaruskaha ekspartu ŭ Polšču skłaŭ 584,4 młn dołaraŭ (rost na 14%), impartu z Polščy — 796,9 młn (rost na 8,2%). Admoŭnaje salda skłała 212,4 młn dołaraŭ.
Vaščykoŭski naviedvaŭ Biełaruś u sakaviku hetaha hoda.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary