Mitrapalit Pavieł vyrašyŭ pryniać biełaruskaje hramadzianstva
Siońnia na mierapryjemstvie BRSM «Adnaŭlajem śviatyni — stvarajem budučyniu», patryjaršy ekzarch Biełarusi Pavieł u adkazie na pytańnie «Našaj Nivy» raskazaŭ, kali jon prymie biełaruskaje hramadzianstva.
Pierad hetym varta adznačyć, što zusim niadaŭna — na minułym pasiedžańni Pałaty pradstaŭnikoŭ — jon kazaŭ, što biełaruskaha pašparta atrymlivać nie budzie.
«Jość zakanadaŭstva, i skoknuć praz płot nielha, parušyć zakon nielha, — skazaŭ jon žurnalistu «Našaj Nivy». — Budzie čas… Vy viedajecie, što jość peŭny pieryjad, jaki treba pražyć. Ja pražyŭ tut amal try hady, heta dastatkovy čas, kab prajści pieršy etap. Siońnia my afarmlajem dakumienty na nastupny etap. Voś, vid na žycharstva ŭ mianie jość, ciapier afarmlajecca na bolš praciahły termin. Potym budziem stavić pytańnie pra hramadzianstva. Usiamu svoj čas. Mianie ŭ hetym płanie supakojvajuć słovy Alaksandra Ryhoraviča, jaki kaža «uładyka, nie śpiašajciesia, pryjdzie čas — usio budzie. Rasija i Biełaruś — dźvie sajuznyja dziaržavy, tamu nijakich prablem u vas nie budzie. Žyvicie, budziem žyć i pracavać — pahladzicie, kali sapraŭdy budziem pracavać, prynosić karyść, usio pryjdzie z časam».
«Zakon parušać nielha», — dvojčy padkreśliŭ mitrapalit.
Nahadajem, što biełaruski zakon «Ab svabodzie sumleńnia ŭ relihijnych arhanizacyjach» abaviazvaje Paŭła mieć biełaruskaje hramadzianstva, ale jon jaho jašče nie atrymaŭ.
Kamientary