Prykładna dziesiać pratakołaŭ składziena na ŭdzielnikaŭ akcyi salidarnaści z Eduardam Palčysam
Kala dziesiaci pratakołaŭ składziena na ŭdzielnikaŭ akcyi salidarnaści z błohieram Eduardam Palčysam, jakaja prajšła 18 kastryčnika ŭ budynku Minskaha haradskoha suda, paviedamiŭ sustaršynia arhkamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec.
14, 17 i 18 kastryčnika aktyvisty roznych apazicyjnych arhanizacyj prychodzili da budynka suda z partretami Palčysa i bieł-čyrvona-biełymi ściahami, kab vykazać padtrymku błohieru. Supracoŭniki milicyi ličać akcyju niezakonnaj, składajučy na jaje ŭdzielnikaŭ pratakoły ab administracyjnym pravaparušeńni.
U aŭtorak, paviedamiŭ Sieviaryniec, pratakoły składzienyja ŭ adnosinach da jaho samoha, Maksima Viniarskaha, Julii Frałovaj, Siarhieja Strybulskaha, Alesia Makajeva, Siarhieja Palčeŭskaha, Alaksieja Šeina i inš.
Advakat Palčysa, paviedamiŭ Sieviaryniec, skazała, što skandavańnie ŭdzielnikaŭ akcyi dobra čuvać u zale suda. Taksama, pavodle słoŭ palityka, jana zaznačyła, što «praces nie zatrymlivajecca, ale ŭ jaho vialiki ab`iom materyjału», a tamu sud na hetym tydni naŭrad ci zavieršycca.
U sudzie abvieščany pierapynak da 10 hadzin 19 kastryčnika. Aktyvisty ŭ hety čas majuć namier praciahnuć akcyju salidarnaści.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary