Arhanizatary ČS pa šachmatach u Tehieranie abaviazali spartsmienak usich krain śvietu nasić chidžaby
Amierykanskaja šachmacistka Nazi Paikidze-Barns admoviłasia ad udziełu ŭ čempijanacie śvietu, jaki projdzie ŭ lutym 2017 hoda ŭ Tehieranie, z-za parušeńniaŭ pravoŭ žančyn u Iranie. Pra heta paviedamlaje partał Hruzija Online.
Abraŭšy Tehieran miescam praviadzieńnia čempijanatu śvietu pa šachmatach siarod žančyn, Mižnarodnaja šachmatnaja fiederacyja (FIDE) ŭviała dla jaho ŭdzielnic dadatkovyja praviły pavodzin, kab vykanać strohija isłamskija zakony, jakija dziejničajuć u krainie. U pryvatnaści, usim šachmatystkam zahadana pakryć svaje hałovy chidžabami.
Hetaje patrabavańnie aburyła spartsmienak z mnohich krain, adnak tolki Paikidze vyrašyłasia zajavić pra bajkot čempijanatu. Jana zajaviła, što nie źbirajecca nasić chidžab i tym samym padtrymlivać pryhniot pravoŭ žančyn. Navat kali praz heta joj daviadziecca prapuścić adno z samych važnych spabornictvaŭ u žyćci.
«Kali miesca praviadzieńnia turniru nie budzie źmienienaje, to ja nie vaźmu ŭdzieł. Ja hłyboka zasmučanaja hetym. Ja atrymała taki pryvilej, jak prava pradstaŭlać ZŠA na žanočym čempijanacie śvietu pa šachmatach. Mianie rasčaroŭvaje, što ja nie zmahu im skarystacca z-za relihijnych, seksisckich i palityčnych prablem», — napisała Paikidze-Barns ŭ Instagram.
Paikidze zapuściła pietycyju, u jakoj zaklikaje FIDE pieranieści čempijanat u inšuju krainu albo paŭpłyvać na ŭrad Irana i admianić zajaŭlenyja abmiežavańni. Jana patłumačyła, što nie maje ničoha suprać Irana, žycharoŭ hetaj krainy ci jakoj-niebudź relihii, ale nie moža źmirycca z zakonami, jakija abmiažoŭvajuć jaje ŭ pravach jak žančynu.
23-hadovuju šachmatystku padtrymali viadomyja asoby ŭ śviecie šachmat, siarod jakich eks-čempijon śvietu Hary Kasparaŭ i brytanski hrosmajstar Najdžeł Šort. Na bok Paikidze ŭstała i Šachmatnaja fiederacyja ZŠA, jakaja hanarycca hetak pryncypovaj pazicyjaj svajoj udzielnicy.
Ciapier čytajuć
«Paša, ja tabie nie vieru». Sieviaryniec raskazaŭ, jak vypadkovaja dziaŭčyna matyvavała jaho nazaŭsiody pierajści na biełaruskuju movu4
Kamientary