Adziny rasijski avijanosiec «Admirał fłotu Savieckaha Sajuza Kuźniacoŭ» na čale hrupy mienšych bajavych i dapamožnych karabloŭ rasijskaha VMF vypraviŭsia z Barancavaha ŭ Mižziemnaje mora ŭ kastryčniku, majučy za metu ŭźbiarežža Siryi.
Akramia surjoznaha ŭzmacnieńnia rasijskich sił u vybuchovaniebiaśpiečnym rehijonie pachod pryciahnuŭ uvahu internetu niezvyčajna ščylnym i čornym dymam, jaki padymajecca z kaminoŭ avianosca.
Pierad samym vychadam u daloki šlach praz usiu Jeŭropu «Admirał Kuźniacoŭ» prajšoŭ ramont.
Karabiel pabudavany ŭ 1982—1991 hadach va ŭkrainskim Nikałajevie, a potym staŭ častkaj rasijskaha Paŭnočnaha fłotu. Vodaźmiaščeńnie — bolš za 60.000 ton, maksimalnaja chutkaść — 29 vuzłoŭ. Kamanda — 1.980 čałaviek.
«Kuźniacoŭ», pieršy i adziny saviecki paŭnavartasny avijanosiec (to bok karabiel, jaki moža prymać samaloty haryzantalnaha ŭźlotu i pasadki z vysokimi bajavymi jakaściami), maje katłaturbinnuju siłavuju ŭstanoŭku.
Dym, jaki staŭ vizitoŭkaj karabla ŭ hetym miesiacy i vyklikaŭ šmat žartaŭ u internecie, staŭ temaj dla abmierkavańnia ekśpiertaŭ.
Chutčej za ŭsio, dym padnimajecca z-za spałučeńnia adrazu niekalkich čyńnikaŭ — heta i staraja madel siłavoj ustanoŭki, i jaje drenny stan paśla 26 hod ekspłuatacyi, jaki vyklikany niedastatkova jakasnym dohladam.
Karabiel ramantavaŭsia amal bieśpierapynna — u 1994—95, 1996—1998, 2001—2004, 2008, i voś pierad samym vychadam u 2016 hodzie.
Da taho ž, paliva moža zharać nie całkam z-za taho, što miechaniki śviadoma panižajuć tempieraturu ŭ starych katłach, kab nie «spalić» ich.
Kali z hetaj pryčyny avijanosiec nie zmoža ŭ bajavych umovach davać poŭnuju chutkaść, samaloty nie zmohuć padymacca ŭ pavietra z poŭnaj rakietna-bombavaj zahruzkaj.
«U karabla prablemnaja historyja, jon nie nadta nadziejny i stary. Adnak, z druhoha boku, jon mocny. Jon nie maje mahčymaściaŭ amierykanskaha avijanosca, adnak jaho nielha nieaceńvać», — adznačaje ekśpiert Mižnarodnaha instytuta statehičnych daśledavańniaŭ Nik Čajłds.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary