Deputat Viarchoŭnaj Rady Ukrainy Nadzieja Saŭčanka pryjechała ŭ Maskvu na słuchańni pa spravie ŭkraincaŭ Mikałaja Karpiuka i Stanisłava Kłycha, asudžanych u Rasii pa abvinavačvańni va ŭdziele ŭ bajavych dziejańniach na baku čačenskich sieparatystaŭ u 1990-ch hadach.
26 kastryčnika ŭ Viarchoŭnym sudzie Rasii adbudziecca razhlad apielacyi pa hetaj spravie.
Ab pryjeździe Saŭčanka ŭ Maskvu paviedamiŭ advakat Illa Novikaŭ. Jon taksama apublikavaŭ fatahrafiju la ŭvachodu ŭ Viarchoŭny sud.
26 maja 2016 h. Viarchoŭny sud Čačni vynies prysud hramadzianam Ukrainy Mikałaju Karpiuku i Stanisłavu Kłychu, jakich pryznali vinavatymi va ŭdziele ŭ bajavych dziejańniach na baku čačenskich sieparatystaŭ u 1990-ch hadach. Karpiuk atrymaŭ 22,5 hady kałonii, Kłych — 20 hadoŭ kałonii.
Pa viersii Śledčaha kamiteta RF, Karpiuk i Kłych u 1990-ch hadach uvachodzili va ŭkrainskuju nacyjanalistyčnuju arhanizacyju UNA-UNSO (pryznana ŭ Rasii ekstremisckaj i zabaroniena).
Jany, jak zajaŭlaje śledstva, nibyta vajavali ŭ Čačni ŭ składzie atrada bajevikoŭ pad nazvaj «Vikinh». SK śćviardžaje, što Karpiuk i Kłych udzielničali ŭ bajach, padčas jakich zahinuli nie mienš za 30 rasijskich vajskoŭcaŭ.
Kłych i Karpiuk admaŭlajuć usie abvinavačvańni. Kłych zajaŭlaje, što nikoli nie byŭ u Čačni. Abodva padpisali zajavu ab padačy apielacyi na rašeńnie suda.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary