Ministerstva pa padatkach i zborach nakiravała kala 50 tysiač paviedamleńniaŭ na vypłatu zboru «za darmajedstva». Pra heta paviedamiła siońnia namieśnica ministra pa padatkach i zborach Śviatłana Šaŭčenka, piša BiełTA.
«Pavodle apošniaj infarmacyi, u adras padatkapłacielščykaŭ nakiravana kala 50 tysiač paviedamleńniaŭ na vypłatu zboru. Adnak kali chtości maje prava na lhoty, ale adpaviednyja dakumienty nie pradstaviŭ u padatkovyja orhany, jon moža pradstavić hetyja dakumienty, paśla čaho budzie pryniataje rašeńnie, vypłačvaje takoj hramadzianin zbor ci nie», — patłumačyła namieśnica ministra.
U MPZ ličać, što karyść ad novaha padatku biassprečnaja.
«Asnoŭnaj metaj dekreta №3 «Ab papiaredžańni sacyjalnaha ŭtrymanstva» było stymulavańnie pracazdolnaha nasielnictva da pracy. Ci dasiahnutaja hetaja meta? Pryviadu niekalki prykładaŭ. U 2015 hodzie paśla pryniaćcia dekreta ŭ 1,5 raza ŭzrasła kolkaść asob, jakija stali na ŭlik u jakaści biespracoŭnych. Taksama ŭzrasła kolkaść asob, jakija zajmajucca dziejnaściu pa zajaŭnym pryncypie, jakaja nie patrabuje rehistracyi ŭ jakaści IP. Uzrasła i kolkaść zaniatych u śfiery ahraekaturyzmu, ramieśnikaŭ. Akramia taho, u IP na 22% vyrasła kolkaść najomnych asob. My bačym, što stymulavańnie aktyŭnaści pracazdolnaha nasielnictva adbyłosia», — padkreśliła Šaŭčenka.
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš6
Kamientary