Na prodaž vystaŭlena AAT «Brescki kambinat budaŭničych materyjałaŭ», inviestaru prapanujecca nabyć da 100% akcyj, paviedamili ŭ Nacyjanalnym ahienctvie inviestycyj i pryvatyzacyi.
Kampanija ŭvachodzić u trojku najbujniejšych vytvorcaŭ kieramičnaj plitki ŭ Biełarusi i źjaŭlajecca najbujniejšaj pryvatnaj vytvorčaściu. Akramia taho, pradpryjemstva ŭvachodzić u top-5 vytvorcaŭ kieramičnaj cehły.
Na pradpryjemstvie adznačyli, što Brescki KBM — paŭnavartasna isnujučy zavod, zdolny ŭ samyja karotkija terminy naraścić vypusk pradukcyi. Kambinat znachodzicca niedaloka ad trasy Je30 i čyhunki, jakaja złučaje Maskvu i harady Biełarusi ź Jeŭropaj.
Dla vytvorčaści vydzielena terytoryja płoščaj 14 ha ź inžyniernymi sietkami. U zavoda jość ułasnaje radovišča hliny (22 ha), a taksama druhaja vytvorčaja placoŭka (2,2 ha) dla vytvorčaści fryty i firmovy mahazin. Usiaho ŭ pradpryjemstva — kala 40 000 m² vytvorčych i administracyjnych płoščaŭ.
Bolš za 70% plitki i cehły realizujecca ŭ Rasiju, Kazachstan, Kyrhyzstan, Armieniju, Uźbiekistan.
Na pradpryjemstvie abiacajuć arhanizavać vizit inviestara na zavod u samyja karotkija terminy, a taksama pravieści pieramovy i sustreču z ŭłaśnikami. Na zavodzie pravodzicca šerah mierapryjemstvaŭ pa palapšeńni finansavaha stanovišča pradpryjemstva ŭ ramkach pracedury sanacyi.
Prablemy na pradpryjemstvie pačalisia dva hady tamu, a vosieńniu 2015 hoda kiraŭnictva pradpryjemstva vyrašyła zapuścić praceduru bankructva, kab paźbiehnuć poŭnaha prypynieńnia vytvorčaści i masavaha zvalnieńnia ludziej. Pryčynami finansavych prablem stali padzieńnie rasijskaha rubla ŭ adnosinach da suśvietnych valut, padaražeńnie enierharesursaŭ, a taksama vypłata kredytaŭ, uziatych na madernizacyju vytvorčaści. U vyniku była spynienaja linija pa vytvorčaści kieramičnaj plitki.
Kamientary