Akcior Džeki Čan staŭ uładalnikam premii «Oskar» za ŭkład u kiniematohraf.
Pra heta paviedamlaje amierykanskaja Akademija kiniematahrafičnych mastactvaŭ i navuk na svajoj staroncy ŭ Twitter u niadzielu, 13 listapada.
What a great way to end the night! Congratulations to @EyeOfJackieChan and all the #GovAwards honorees! Look for videos online soon. pic.twitter.com/0YUg4DqEqv
Cyrymonija ŭznaharodžańnia prajšła 12 listapada ŭ Łos-Andželesie (ZŠA). «Paśla 200 filmaŭ i stolkich złamanych kostak, jon narešcie moj», — skazaŭ Čan, kali atrymlivaŭ statuetku.
Jak piša Daily Mail, uznaharody taksama atrymali mantažor En V. Kouts, kastynh-dyrektar Lin Stałmaścier i teatralny režysior Frederyk Uajzman. «Jany natchniajuć nastupnaje pakaleńnie svaim pačućciom pryhožaha i stvoranym čaraŭnictvam, jakoje tak paŭpłyvała i na nas, kali my byli dziećmi», — skazaŭ dyrektar akademii Čerył Bun.
62-hadovy Džeki Čan — adzin z samych papularnych akcioraŭ bajevikoŭ i kamiedyj ŭ śviecie. Čan viadomy pa takich stužkach, jak «Pjany majstar», «Źmiaja ŭ cieni arła», «Daśpiechi boha», «Čas pik» i «Vakoł śvieta za 80 dzion».
Łaŭreaty hanarovych premij za vydatny ŭkład u kiniematohraf vyznačajucca Radaj kiraŭnikoŭ Akademii.
Raniej hetyja ŭznaharody ŭručalisia padčas asnoŭnaj cyrymonii premii «Oskar». Potym było vyrašana stvaryć dla ich admysłovy viečar, kab padkreślić značnaść hetych uznaharod.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary