Aktyvistu z Rudzienska Uładzimiru Kandrusiu baćki pieradali ŭ izalatar na vulicy Vaładarskaha zimovy abutak i pradukty, ale sustrecca z synam im nie dazvolili, raspaviała «Svabodzie» siastra palitviaźnia Iryna
16 listapada ŭ Minsku raspačali praces nad Uładzimiram Kandrusiem. Kondrusia — udzielnika Płoščy-2010, jakoha zatrymali praz 5 hadoŭ — sudziać za ŭdzieł u masavych biesparadkach. Jamu pahražaje da 8 hadoŭ pazbaŭleńnia voli.
Uładzimir Kondruś sprabavaŭ uskryć sabie vieny ŭ zale suda
Paśla hetaha sud pastanaviŭ adpravić padsudnaha na kompleksnuju psichołaha-psichijatryčnuju ekśpiertyzu.
«Učora baćki pajšli da Vałodzi na «Vaładarku», ale sustrecca ź im tak i nie dazvolili, — raspaviała Iryna. — Adnak pieradaču ŭziali. Jašče skazali, što advakata da jaho nie puściać, pakul nie projdzie ekśpiertyzu. Učora jon jašče byŭ na Vaładarskaha, čakaŭ, pakul adviazuć na ekśpiertyzu ŭ Navinki. Doktar «Vaładarki» vychodziŭ da baćkoŭ i kazaŭ, što sa zdaroŭjem u Vałodzi nibyta narmalna: maŭlaŭ, tak, zastalisia ślady na ruce, ale da značnaj traŭmy nie dajšło. Tolki ja liču, navošta psichekśpiertyza, kali čałaviek zusim narmalny? Jon tolki pratestavaŭ suprać hetaha suda i ŭtrymańnia pad vartaj».
Baćki Kondrusia Uładzimir Raścisłavavič i Halina Vasiljeŭna, jakija mieli za ŭvieś čas tolki adno spatkańnie z synam, jaho tak i nie pabačyli. Ich vyklikali na sud 16 listapada jak śviedkaŭ, tamu jany siadzieli pad dźviaryma zali suda. A da vykliku śviedkaŭ u pracesie spravy tak i nie dajšło.
Pa słovach advakata Vadzima Mušynskaha, jaki abaraniaŭ Uładzimira Kondrusia ŭ sudzie, praces adnovicca nie raniej za druhuju pałovu śniežnia: «Siońnia ja ź im nie sustrakaŭsia i nie sprabavaŭ, tamu što viedaju dakładna: pakul nie projdzie ekśpiertyzy, da jaho nie dapuściać. Taki zakon. Praces adnovicca ŭ lepšym vypadku ŭ druhoj pałovie śniežnia: ekśpiertyza kompleksnaja, jamu šmat čaho daviadziecca pieražyć».
Tym časam pravaabaroncy i apazicyjnyja palityki abviaścili zbor srodkaŭ u dapamohu Uładzimiru Kandrusiu.
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary