Nieviadomym chakieram atrymałasia abmiežavać dostup karystalnikaŭ da sajta Jeŭrakamisii, a supracoŭnikam viedamstva — dostup da internetu, piša DW. Ataka była spynienaja, uciečki dadzienych nie adbyłosia.
Ataka adbyłasia ŭ druhoj pałovie dnia ŭ čaćvier, 24 listapada. Pra heta paviedamlaje bielhijskaje vydańnie La Libre Belgique sa spasyłkaj na kanfidencyjny dakumient Jeŭrakamisii, jaki trapiŭ u rasparadžeńnie žurnalistaŭ.
Aficyjny pradstaŭnik Jeŭrakamisii Marharycis Schinas paćvierdziŭ hetuju infarmacyju, udakładniŭšy, što mieŭ miesca adzin ź vidaŭ DoS-ataki «bujnoha maštabu».
Pa słovach Schinasa, adbyłosia pieranasyčeńnie pałasy prapuskańnia ŭ Sietku, praz što byŭ abmiežavany dostup karystalnikaŭ da sajta orhana vykanaŭčaj ułady ES, a taksama dostup jaho supracoŭnikaŭ da internetu. Ataka była spynienaja, i nijakaj uciečki dadzienych nie adbyłosia. Pradstaŭnik Jeŭrakamisii nie ŭdakładniŭ, chto moža stajać za arhanizacyjaj kibierataki na sajt viedamstva.
Raniej paviedamlałasia, što ŭ MUS FRH surjozna razhladajuć mahčymaści rasijskich śpiecsłužbaŭ pa ŭździejańni na hramadskuju dumku napiaredadni parłamienckich vybaraŭ 2017 hoda pry dapamozie kibieratak.
Ciapier čytajuć
Šeść faktaŭ pra Andreja Švieda — byłoha hienprakurora, jaki ciapier staŭ staršynioj Viarchoŭnaha suda4
Kamientary