Śledčy kamitet pravodzić pravierku pa fakcie traŭmavańnia rabočaha na budaŭnictvie Biełaruskaj AES. Pra heta BiełTA paviedamiŭ aficyjny pradstaŭnik USK pa Hrodzienskaj vobłaści Siarhiej Šaršanievič.
«Ciapier pravodzicca pravierka pa fakcie niaščasnaha vypadku na terytoryi AES. 2 śniežnia rabočy spatyknuŭsia na leśvicy i ŭpaŭ, atrymaŭšy pierałom ściahna i ŭdary. Žyćciu jaho ničoha nie pahražaje», — adznačyŭ Siarhiej Šaršanievič.
Načalnik adździeła infarmacyi i hramadskich suviaziej DP «Biełaruskaja AES» Eduard Śviryd padkreśliŭ, što inšych niaščasnych i tym bolš trahičnych vypadkaŭ u apošni čas nie było. «Aficyjna zajaŭlajem, što infarmacyja ab niaščasnym vypadku, što paciahnuŭ śmierć rabočaha, jakaja źjaviłasia ŭ internecie, nie adpaviadaje rečaisnaści», — skazaŭ jon.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary