Dalar uziaŭ nievialikuju pieradyšku ŭ sieradu, pakul inviestary čakajuć sihnałaŭ ad Fiederalnaj reziervovaj sistemy ab mahčymym paskareńni tempu pavyšeńnia stavak u suviazi z čakanym pavieličeńniem dziaržvydatkaŭ, abranym prezidentam Donaldam Trampam, paviedamlaje Reuters.
Pa vynikach dvuchdzionnaj narady, jakaja zavieršycca ŭ sieradu, Fiederalny kamitet pa apieracyjach na adkrytym rynku, na dumku inviestaraŭ, amal napeŭna padymie dyjapazon klučavoj staŭki na 0,25 pracentnych punkta da 0,50-0,75%. Pra rašeńnie kamiteta budzie abvieščana ŭ 22.00 pavodle minskaha času.
FRS padymie staŭku ŭsiaho tolki druhi raz z časoŭ finansavaha kryzisu 2007-2008 hadoŭ uśled za ŭzmacnieńniem žorstkaści palityki ŭ minułym śniežni.
Indeks dalara, jaki pakazvaje dynamiku amierykanskaj valuty da šaści asnoŭnych valut, apuściŭsia da 100,950 punkta da 8.45, adyšoŭšy ad maksimumu hetaha tydnia ŭ 101,78 punkta, dasiahnutaha ranicaj paniadziełka.
Jeŭra vyras da $1,0637, usio bolš addalajučysia ad tydniovaha minimumu, ustanoŭlenaha ŭ paniadziełak, na ŭzroŭni $1,0525.
Raźviedka ZŠA: Biełaruś stała pieradavym vajskovym płacdarmam Rasii24
Kamientary