Pradstaŭniki polskich apazicyjnych partyj «Nowoczesna» i «Hramadzianskaja płatforma» abvinavacili varšaŭskuju palicyju va ŭžyvańni ślezaciečnaha hazu suprać mirnych demanstrantaŭ, jakija minułaj nočču błakavali vyjezd ź siejma, paviedamlaje ahienctva PAP.
Akcyja pratestu la budynka siejma pačałasia paśla taho, jak śpikier nižniaj pałaty parłamienta adchiliŭ ad udziełu ŭ pasiedžańni adnaho z apazicyjnych deputataŭ.
Siejm abmiarkoŭvaŭ biudžet na 2017 hod, adnak apazicyjaniery rehularna viartalisia ŭ svaich vystupach da pytańnia pracy žurnalistaŭ u siejmie, jakuju zapłanavana abmiežavać z 1 studzienia 2017 hoda hoda. Paśla rašeńnia śpikiera siejma adchilić deputata apazicyjaniery na niekalki hadzin zabłakavali trybunu — tady pasiadžeńnie było praciahnuta ŭ inšaj zale.
Kala budynka siejma viečaram u piatnicu pačali źbiracca pradstaŭniki apazicyjnaha «Kamiteta achovy demakratyi», jakija vyrašyli vystupić suprać abmiežavańniaŭ pracy žurnalistaŭ u siejmie. Paźniej da ich dałučyłasia i častka deputataŭ, jakija paličyli niezakonnym praviadzieńnie pasiadžeńnia sojma i pryniaćcie rašeńniaŭ u inšaj zale, nie abstalavanaj śpiecyjalnaj sistemaj hałasavańnia. Pratestoŭcy błakavali vychady ź siejma, zaminajučy deputatam kirujučaj partyi pakinuć budynak.
Akcyja pratestu la siejma praciahvałasia niekalki hadzin, u budynku ŭ hety čas znachodzilisia premjer krainy Bieata Šydła i lidar kirujučaj partyi Jarasłaŭ Kačyński.
Jak zajavili ŭdzielniki akcyi, nočču, kali Šydła i Kačyński vyrašyli pakinuć budynak, na vulicy byŭ vykarystany ślezaciečny haz, a palicyja siłaj razhaniała demanstrantaŭ, kab vyzvalić darohu, adznačaje RAR.
Varšaŭskaja palicyja infarmacyju ab vykarystańni hazu nie paćvierdziła. «Była vykarystana tolki i vyklučna fizičnaja siła i tolki ŭ adnosinach da asob, jakija vybiahali pad mašyny, staviačy pad pahrozu svaju biaśpieku», — zajaviŭ u efiry telekanała TVN24 aficyjny pradstaŭnik palicyi Varšavy Maryjuš Mrozak.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary