Papu Francišku 17 śniežnia spaŭniajecca 80 hadoŭ. Ź pierśpiektyvy apošnich hadoŭ było bačna, što ŭ Vatykanie pavinien byŭ źjavicca Pantyfik «z dalokaha krainy», piša ksiondz Marek Łučak na catholic.by.
Vyklučnaja charyzma
Što možna skazać pra papu Franciška? Jaho pantyfikat, niahledziačy na adčuvańnie prošłaha času, tolki raspačaŭsia. Jakim čynam asoba arhiencinskaha Papy ŭzbahaciła Paŭsiudny Kaścioł? Što ŭniesła ŭ jaho vobraz, u jaki bok źmiaścilisia akcenty?
Vybar Chorchie Marya Bierholia Papam Rymskim byŭ dla śvietu niečakanaściu. Całkam pa-inšamu ŭsio vyhladała dla kardynałaŭ. U intervju Pietera Zejevalda z Benedyktam XVI u knizie «Apošnija razmovy» na hetuju temu jość cikavy ŭryvak. Niamiecki žurnalist zadaje Papu-emierytu pytańnie pra kankłaŭ, padčas jakoha kardynał Ratcynhier byŭ vybrany novym nastupnikam sv. Piatra. Benedykt XVI nie prakamientavaŭ pytańnie, ale daŭ zrazumieć, što vidavočna ŭžo tady arcybiskup z Buenas-Ajresa mieŭ papularnaść siarod kardynałaŭ.
Heta biezumoŭna moža śviedčyć pra jaho vyklučnuju charyzmu. Jaho, biskupa-jezuita, nie viedali ŭ Jeŭropie, ale vierniki jaho archidyjacezii, jak i biskupy z Łacinskaj Amieryki, śviedčyli, što jašče pierad vybaram Papam Rymskim jaho vielmi šanavali, ź vialikaj pavahaj i pašanaj stavilisia da jaho i palityčnyja dziejačy.
Stvaryŭ «dyjaceziju dla biežancaŭ»
Nie tak prosta pisać na temu čałavieka, jakim źjaŭlajecca papa Francišak. Z časam ŭ śviet vyjdzie šmat knih na hety kont i buduć napisanyja ambicyjnyja dysiertacyi. Ich aŭtary buduć kłasifikavać navučańnie Pantyfika, staviačy sabie za metu daskanały analiz jaho dakumientaŭ, pramoŭ i hamilij…
Ale što zasłuhoŭvaje našaj uvahi ŭžo siońnia? Ci možam skazać pra Papu Rymskaha štości, što zapomnicca śvietu?
Biez sumnieńniaŭ ŭ čarhovy raz treba pryznać vybar papy Franciška Pantyfikam dziejnaściu Božaha Providu. Heta nie mahło być prosta supadzieńniem, što napłyŭ biežancaŭ pryjdziecca na pantyfikat hetaha Papy. Śviaty Ajciec u svajoj krainie sutykaŭsia ź ludskimi biedami ŭ truščobach, a sam — jak jeŭrapiejec pa pachodžańni — daskanała razumieje, što staić za niaprostym losam imihrantaŭ.
Papa prosić parykmachieraŭ rabić biaspłatnyja stryžki dla biežancaŭ, Papa kaža pra nieabchodnaść stvareńnia asobnaj dyjacezii dla ich. I ŭ hetym prajaŭlajecca jašče bolš asoba Papy. U hetym vobrazie — Papy, jaki razdaje miłaścinu, mihranty bačać nie tolki dušpastyra, ale i biskupa.
Dziakujučy svajoj zaanhažavanaści papa Francišak stanovicca siońnia sumleńniem jeŭrapiejcaŭ, natchnieńniem dla palitykaŭ i hramadskich dziejačaŭ. Papa stanovicca hałoŭnym lekaram dušaŭ u Kaściole, jaki ŭjaŭlaje saboj palavy špital.
Dušpastyr śvietu
U asobie Jana Paŭła II Kaścioł atrymaŭ abaroncu ludskoj hodnaści, u asobie Benedykta XVI — asiłka katalickaj viery, u asobie papy Franciška Kaścioł atrymaŭ dušpastyra śvietu.
Tak užo kazali pra papu Jana XXIII, ale siońniašni Pantyfik źjaŭlajecca probaščam hłabalnaha maštabu. Niaciažka zrazumieć, što ŭ ŚMI Pantyfik maje vialikuju papularnaść. Luboŭ žurnalistaŭ da Papy zaklučana ŭ jaho prostaści. Navat kali b nie źjavilisia važnyja encykliki ci adhartacyi, uvieś śviet byŭ by ŭdziačny papu Francišku za jaho tvity, prostyja kazańni z Domu sv. Marty, a taksama za hłybokija pastyrskija navučańni.
Napeŭna, uvieś śviet zapomnić śviatara ŭ biełaj sutanie, jaki siadaje ŭ samalot z čornym partfielem u ruce. Kali jaho adnojčy spytali padčas pres-kanfierencyi, čamu jon nie skarystaŭsia dapamohaj adkaznych słužbaŭ i sam nios taki ciažar, Pantyfik adkazaŭ, što treba zachoŭvać narmalovaść. Bo padčas padarožža kožnaja duchoŭnaja asoba choča mieć pry sabie brevijaž…
Papa Francišak, z nahody Tvajho dnia naradžeńnia žadajem, kab ty zastavaŭsia saboj. Budziem ździŭlacca Tvajoj narmalovaściu, jakaja nie źjaŭlajecca normaj siarod dziaržaŭnych dziejačaŭ. Inšymi słovami, heta narmalovaść źjaŭlajecca zusim nienarmalnaj, ale za jaje my i lubim papu Franciška.
Ciapier čytajuć
Polski dypłamat raskazaŭ, jak pryvoziŭ Kolu multfilmy na dyskach i kim dla siamji Łukašenkaŭ byŭ Makiej8
Kamientary