Mitrapalit Kandrusievič pra Kotaŭku: Dziejańni ekołahaŭ — novy pieraśled Kaścioła z boku zialonych
Dziejańni ekołahaŭ vakoł spravy budaŭnictva kaścioła ŭ minskim skviery Kotaŭka Mitrapalit Tadevuš Kandrusievič nazvaŭ «novym pieraśledam Kaścioła z boku zialonych».
«Nikoli nie budzie dobraj ekałohii, kali nie budzie ekałohii ŭ dušy čałavieka», — śćvierdziŭ na pieradkaladnaj pres-kanfierencyi ŭ Minsku staršynia katalickaha jepiskapatu ŭ Biełarusi.
Arcybiskup Kandrusievič patłumačyŭ, što ŭ kožnaj parafii pavinna być miesca dla malitvy — śviatynia. Miesca pad budaŭnictva kaścioła, jak padkreśliŭ ijerarch, vydzialaje dziaržava. Atrymaŭšy nadzieł, parafija pačynaje vialikuju pracu, jakaja papiaredžvaje samo budaŭnictva: źbirajecca šerah dazvołaŭ, raspačynajucca inžyniernyja pracy.
Usio heta, jak adznačyŭ Mitrapalit, patrabuje niemałoha finansavańnia.
U vypadku parafii ŭ minskim mikrarajonie Zialony łuh (parafija zarehistravana ŭ mai 2007 h.), padrychtoŭčyja pracy praciahvalisia piać hadoŭ. Adnak na etapie padrychtoŭki nadziełu (jaki byŭ vydzieleny dziaržavaj u skviery Kotaŭka) da budaŭničych prac svaju niazhodu na ŭźviadzieńnie śviatyni vykazali pradstaŭniki «zialonych» i žychary Sielhaspasiołka. Uvyniku fizičnaha supraćstajańnia «zialonych» častku drevaŭ śsiačy nie ŭdałosia.
21 śniežnia na pres-kanfierencyi «Pra vyniki sacyjalna-ekanamičnaha raźvićcia horada» staršynia Minharvykankama Andrej Šorac zajaviŭ, što skvier Kotaŭka ŭ Sielhaspasiołku vyrašana zachavać. Kaściołu ž horad vydzielić inšy nadzieł dla ŭźviadzieńnia śviatyni.
«Nie viedajem, jak zavieršycca hetaja sprava», — adznačyŭ Mitrapalit na pres-kanfierencyi, padkreśliŭšy, što staršynia Minharvykankama «nie daje nadziei na praciah budaŭnictva» ŭ Kotaŭcy.
«My nie chočam revalucyi», — dadaŭ ijerarch i ŭkazaŭ, što ŭsie papiarednija pracy byli ŭzhodnieny z uładami horada, «usio było zroblena pa zakonu».
Na siońnia Mitrapalit Kandrusievič maje namier praciahvać razmovy sa staršynioj Minharvykankama adnosna budaŭnictva śviatyni ŭ skviery Kotaŭka. Vynik hetych razmovaŭ pakaža dalejšy chod padziej vakoł Kotaŭki.
Ciapier čytajuć
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach3
«Vy ašaleli! Kolki my tracim hrošaj!» Łukašenka daručyŭ źmienšyć aśviatleńnie na vulicach
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary