Pravasłaŭnaha błohiera, «hieroja SVA», pasadzili na 15 hadoŭ za zhvałtavańnie čaćviortakłaśnicy
U Sankt-Pieciarburhu sud ahučyŭ prysud 32‑hadovamu Kłaŭdu Romielu, jaki byŭ viadomy jak pravasłaŭny błohier i ŭdzielnik vajennych dziejańniaŭ va Ukrainie. Jaho pryznali vinavatym u zhvałtavańni i rehularnym seksualnym hvałcie nad dziesiacihadovaj dziaŭčynkaj. Za hetyja złačynstvy mužčyna atrymaŭ 15 hadoŭ źniavoleńnia, piša telehram-kanał «Ostorožno, novosti».
Historyja pačałasia z taho, što Romiel žyŭ razam sa svajoj 46‑hadovaj kalehaj, u jakoj była małaja dačka. Z časam błohier adsialiŭ dzicia ad maci ŭ svoj pakoj. Jon pačaŭ zdymać dziaŭčynku ŭ svaim pravasłaŭnym błohu na YouTube, robiačy jaje hałoŭnaj hierainiaj rolikaŭ.
Zimoj 2023 hoda mužčynu złavili ŭ łožku ź dziciom. Tady jon nie staŭ admaŭlać, što kranaŭ dziaŭčynku, ale sprabavaŭ apraŭdacca tym, što heta byŭ nibyta «miedycynski masaž». Kryminalnuju spravu zaviali paśla zajavy chrosnaj maci paciarpiełaj.
Cikava, što niezadoŭha da aryštu Romiel apublikavaŭ videa, u jakim razvažaŭ pra los dziciaci. Jon kazaŭ, što dziaŭčyncy nakanavana «nieści svoj kryž», i pierakonvaŭ, što žyćcio ŭ prytułku budzie dla jaje lepšym varyjantam, čym viartańnie da maci. Sama dziaŭčynka tady taksama prasiłasia ŭ prytułak, dzie jana znachodzicca i ciapier.
Kali pačałosia śledstva, Romiel pajechaŭ na front. U hety pieryjad rasijskija dziaržaŭnyja miedyja i pravasłaŭny kanał «Caŕhrad» stvarali jamu stanoŭčy imidž. Jaho pakazvali jak hieroja i prykładnaha apiekuna, jaki vychoŭvaje dziaŭčynku z vaśmi hadoŭ. Jon navat vystupaŭ ź lekcyjami ŭ navučalnych ustanovach, pakul išło rasśledavańnie spravy ab hvałcie.
Top-čynoŭnik RPC nazvaŭ Zialenskaha, Parašenku i inšych prezidentaŭ Ukrainy «satanistami» i zaklikaŭ pieramahčy ich malitvaj i pastom
Rasijskaja raźviedka rezka najechała na kanstancinopalskaha patryjarcha
Patryjarch Kirył zvolniŭ kiraŭnika RPC u Zachodniaj Jeŭropie za zachapleńnie pokieram
Patryjarch Kirył nazvaŭ pravasłaŭnyja chramy «duchoŭnymi bienzakałonkami»
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza1
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary