U Aŭstralii 13‑hadovy chłopčyk prajaviŭ nievierahodnuju mužnaść, prapłyŭšy kala 4 kiłamietraŭ u niespakojnym akijanie, kab vyratavać svaju siamju. Jahonyja maci, brat i siastra byli źniesienyja vietram u adkrytaje mora kala ŭźbiarežža Zachodniaj Aŭstralii, piša Bi-bi-si.
Incydent adbyŭsia ŭ piatnicu ŭ zalivie Hieohraf. Siamja katałasia na sap-doškach i bajdarkach, kali mocny viecier adnios ich nadzimanyja sudny daloka ad bieraha. Chłopčyk pasprabavaŭ dabracca nazad na bajdarcy, kab paklikać dapamohu, ale taja pačała napaŭniacca vadoj. Tady padletak vyrašyŭ płyści samastojna i pieraadoleŭ kala 4 kiłamietraŭ.
Spačatku jon płyŭ u ratavalnaj kamizelcy, ale praź niekalki hadzin zrazumieŭ, što ź joj nie zmoža dabracca da bieraha, i źniaŭ jaje. U vyniku chłopčyk kala čatyroch hadzin zmahaŭsia z chvalami i zmoh padniać tryvohu kala šostaj viečara pavodle miascovaha času.
Paśla hetaha ratavalniki pačali maštabnuju apieracyju. Kala 20:30 viertalot znajšoŭ maci i dvuch dziaciej — 47‑hadovuju žančynu, 12‑hadovaha chłopčyka i 8‑hadovuju dziaŭčynku. Jany trymalisia za došku dla viesłavańnia prykładna za 14 kiłamietraŭ ad bieraha. Ratavalnaje sudna dastaviła ich na sušu.
Usie paciarpiełyja byli ŭ ratavalnych kamizelkach, što dapamahło im vyžyć. Palicyja i ratavalniki adznačyli vyklučnuju advahu i rašučaść padletka, padkreśliŭšy, što mienavita jaho dziejańni vyratavali žyćcio maci, brata i siastry. Paśla ahladu miedykami siamju dastavili ŭ balnicu, a paśla vypiski jany asabista padziakavali ratavalnikam.
Navukoŭcy narešcie raskryli tajamnicu vostrava Paschi. U hetym dapamahli bolš za 11 tysiač fota z dronaŭ
Kity, karabiel-pryvid i čyrvonaje śviatło: biełarus pierasiok Atłantyku pad vietraziem
Litoviec pierasiakaŭ Cichi akijan na viosielnaj łodcy, kab stać pieršym u śviecie takim čałaviekam
Adzinoki ŭzbudžany delfin napadaŭ na kupalščykaŭ u Japonii. Mahčyma, takich vypadkaŭ paŭsotni
Ludziej paśla krušeńnia karabla vyratavali dziakujučy nadpisu «Help», vykładzienym imi z palmavaha liścia
Kamientary