Jeŭrapiejski sajuz čarhovy raz zaklikaŭ Biełaruś uvieści maratoryj na śmiarotnaje pakarańnie. Adpaviedny zaklik źmiaščajecca ŭ zajavie pres-sakratara Jeŭrapiejskaj słužby źniešnich dziejańniaŭ. Nahodaj dla zajavy staŭ čarhovy śmiarotny prysud, vyniesieny ŭ Biełarusi.
«Hety prysud, vyniesieny ŭśled za karami čatyroch čałaviek u hetym hodzie, idzie nasupierak abaviazańniam biełaruskich uładaŭ razhledzieć pytańnie pra maratoryj na śmiarotnaje pakarańnie», — cytuje BiełaPAN słovy dakumienta. U im nahadvajecca, što Jeŭrasajuz vystupaje suprać śmiarotnaha pakarańnia va ŭsich vypadkach.
U zajavie padkreślivajecca, što palityka ES u dačynieńni Biełarusi budzie hruntavacca na pytańniach pavahi da fundamientalnych svabodaŭ, viaršenstva zakona i pravoŭ čałavieka, u tym liku — prablemy śmiarotnaj kary.
Jak paviedamlałasia raniej, 28 śniežnia Homielski abłasny sud prysudziŭ da śmiarotnaj kary 39-hadovaha žychara Mazyra Kiryły Kazačaka za zabojstva ŭłasnych dziaciej — 9-hadovaj Kiry i 17-hadovaha Ułada.
Heta piaty śmiarotny prysud za 2016 hod. Pryčym čatyry čałavieki ŭžo byli pakaranyja ŭ listapadzie.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści45
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary