Na pravasłaŭnaje Rastvo buduć nie tolki mocnyja marazy, ale i paŭnočny viecier

Paŭnočny viecier značna ŭzmocnić upłyŭ marazoŭ u kaladnyja vychadnyja, paviedamiŭ siońnia ŭ pres-centry BiełTA na bryfinhu pa likvidacyi nastupstvaŭ cykłonu «Aksiel» načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.

Pavialičyć

«Samyja chałodnyja dni ŭ nas čakajucca na śviaty 7 i 8 studzienia. Tempieratura pavietra ŭ subotu nočču budzie ad 16 da 23 hradusaŭ marozu, pry prajaśnieńniach minus 24-27 hradusaŭ. U niadzielu — jašče na niekalki hradusaŭ chaładniej, nočču čakajecca 18-25 nižej za nul, pry prajaśnieńniach da minus 28. Pry hetym čakajecca jašče i paŭnočny viecier, jaki istotna ŭzmocnić upłyŭ marazoŭ», — adznačyŭ Dźmitryj Rabaŭ.

Sinoptyk rastłumačyŭ, što kali tempieratura budzie minus 25, to paŭnočny viecier dabavić jašče hradusaŭ 7-8. «Tempieratura kamfortnaści budzie značna nižejšaj, tamu situacyja čakajecca składanaj, asabliva ŭ śviatočnyja dni. Taksama ŭ bližejšy čas nas čakajuć rezkija pierapady atmaśfiernaha cisku i tempieratury, što budzie ŭpłyvać na samaadčuvańnie mieteazaležnych ludziej», — raskazaŭ jon.

Hidramiet ciapier viadzie dadatkovyja mietearałahičnyja nazirańni — za tempieraturaj, vietram, apadkami i pavieličeńniem vyšyni śniežnaha pokryva. Heta infarmacyja ŭ apieratyŭnym režymie pieradajecca ŭ MNS.

Sinoptyk nahadaŭ, što ŭ piatnicu, 6 studzienia, cykłon «Aksiel» pakinie terytoryju Biełarusi, i ŭ krainu imhnienna nakirujecca ŭltrapalarnaje pavietra — čakajecca rezkaje pachaładańnie. U piatnicu na praciahu sutak tempieratura pavietra prahnazujecca minus 13-20 hradusaŭ, pa paŭnočnym uschodzie pry prajaśnieńniach da 23 hradusaŭ.

U subotu apadkaŭ pieravažna nie čakajecca, tolki pa paŭdniovym uschodzie projdzie nievialiki śnieh. Na asobnych učastkach daroh zachavajecca hałalodzica. Tempieratura pavietra nočču składzie 16-23 hradusy marozu, pry prajaśnieńniach minus 24-27. U paŭdniova-ŭschodnich rajonach budzie 14-15 hradusaŭ nižej za nul. Dniom u subotu čakajecca 13-20 marozu.

U niadzielu pa paŭdniovym uschodzie projdzie karotkačasovy śnieh. Na asobnych učastkach daroh zachavajecca hałalodzica. Tempieratura pavietra nočču składzie 18-25 hradusaŭ, pry prajaśnieńniach 26-28 marozu. Pa paŭdniovym uschodzie budzie minus 14-17. Dniom prahnazujecca 10-17 hradusaŭ, u asobnych rajonach ad 18 da 20 marozu.

Pavodle infarmacyi sinoptyka, u pačatku nastupnaha tydnia marazy pačnuć krychu słabieć. Nočču ŭ paniadziełak budzie minus 13-20, pry prajaśnieńniach 21-25 hradusaŭ nižej za nul, dniom 8-14 marozu. Da siaredziny nastupnaha tydnia tempieratura pavietra pavysicca.

• 0
• 0
• 0
• 0
• 0
• 0
• 0
• 0