U kansalidavany biudžet Minskaj vobłaści za 11 miesiacaŭ 2016 hoda pastupiła 2.238,3 młn rubloŭ, u tym liku ŭ respublikanski biudžet — 591,7 młn rubloŭ, u miascovyja biudžety — 1.646,6 młn rubloŭ, paviedamlaje pres-centr Ministerstva pa padatkach i zborach.
U razrezie vidaŭ padatkaŭ najbolšyja sumy pastupili pa padachodnym padatku — 559,3 młn rubloŭ, abo 25% u dachodach kansalidavanaha biudžetu, ekałahičnamu padatku (uklučajučy padatak za zdabyču) — 418,9 młn rubloŭ (18,7%), padatku na dadanuju vartaść — 214,1 młn rubloŭ (9,6%), padatku na prybytak — 199,1 młn rubloŭ (8,9%), padatku na nieruchomaść — 132,9 młn rubloŭ (5,9%) i akcyzach — 132,8 młn rubloŭ (5,9%).
U farmiravańni biudžetu Minskaj vobłaści ŭ studzieni—listapadzie 2016 hoda ŭdzielničali bolš jak 826 tysiač płacielščykaŭ, u tym liku zvyš 33 tysiač arhanizacyj, bolš čym 36 tysiač indyvidualnych pradprymalnikaŭ i kala 756 tysiač fizičnych asob, jakija vypłačvajuć majomasnyja płaciažy.
Za studzień—listapad padatkovyja płaciažy biudžetaŭtvaralnych arhanizacyj Minskaj vobłaści skłali 34,9% u dachodach kansalidavanaha biudžetu vobłaści.
Štomiesiačny manitorynh finansava-haspadarčaj dziejnaści ŭstanoŭleny za 46 bujnymi arhanizacyjami Minskaj vobłaści. Tak, u studzieni—listapadzie 2016 hoda imi vypłačana 620,4 młn rub.
Lidzirujučyja pazicyi zajmajuć AAT «Biełaruśkalij» — 16,7% u ahulnych pastupleńniach pa vobłaści, STAA «Malinoŭščyźnienski śpirtaharełačny zavod «Akvadziŭ» — 3,2%, TAA» Zavod Bulbaš'» — 3%, ZTAA «RN — Zachad» — 2,6%, RUP «Biełmytniaservis» — 1,6%.
Ciapier čytajuć
Babaryka: Kali b my pieramahli — vajny va Ukrainie nie było b33
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary