Pryzyŭniki z Kryma z hetaha hoda buduć prachodzić vajennuju słužbu pa ŭsioj RF, a nie tolki na terytoryi paŭvostrava, jak heta było raniej. Pra heta paviedamiŭ načalnik Hałoŭnaha arhanizacyjna-mabilizacyjnaha ŭpraŭleńnia Hienieralnaha štaba US Rasii Vasil Tankašnuraŭ, piša TASS.
«U 2014 hodzie byŭ pryniaty fiederalny zakon, u adpaviednaści ź jakim pryzvanych hramadzian z terytoryi Kryma adpraŭlali dla niasieńnia słužby ŭ złučeńni i voinskija čaści ŭ miežach paŭvostrava. Adnak hetyja abmiežavańni dziejničali tolki da 1 studzienia 2017 hoda. I pačynajučy ź biahučaha hoda hramadzianie buduć nakiroŭvacca dla prachodžańnia vajennaj słužby ŭ złučeńni i voinskija čaści, raźmieščanyja i inšych rehijonach krainy», — skazaŭ Tankašnuraŭ padčas videakanfierencyi sa štabami vajennych akruhaŭ, pryśviečanaj vynikach pryzyvu na vajennuju słužbu.
Pa słovach namieśnika staršyni savieta ministraŭ respubliki Krym Ihara Michajličenki, paśla ŭvachodžańnia paŭvostrava ŭ skład Rasii było praviedziena čatyry pryzyvy, u vyniku jakich u vojski Paŭdniovaj vajennaj akruhi i Rashvardyi było pryzvana bolš za 4 tysiač krymčan.
Ciapier čytajuć
Połk Kalinoŭskaha paviedamiŭ pra hibiel troch bajcoŭ7
Kamientary