Minadukacyi patłumačyła novy paradak pryjomu ŭ pieršy kłas dziaciej, jakim mieniej za šeść hadoŭ
Abnoŭlenym Kodeksam ab adukacyi praduhledžany novy paradak pryjomu ŭ pieršy kłas dziaciej, jakim mieniej za šeść hadoŭ, paviedamili BIEŁTA ŭ pres-centry Ministerstva adukacyi.
Tam raspaviali, što ŭ ciapierašni čas dziejničajuć normy, zhodna ź jakimi ŭ pieršy kłas prymajucca dzieci, jakija dasiahnuli da 30 vieraśnia šaścihadovaha ŭzrostu, abo z bolš poźniaha ŭzrostu.
Pryjom u škołu dziciaci, jakomu spaŭniajecca šeść hadoŭ krychu paźniej, naprykład, 1 kastryčnika, siońnia nie praduhledžany Kodeksam ab adukacyi. Kab vyrašyć pytańnie ab zaličeńni ŭ škołu dziciaci, psichałahična i fizična hatovaha da škoły, ale jakoje nie dasiahnuła ŭzrostu šaści hadoŭ, baćkam treba źviartacca ŭ Ministerstva adukacyi.
U novaj redakcyi Kodeksa praduhledžana mahčymaść pryjomu ŭ pieršy kłas dziaciej i ŭ bolš rańnim uzroście pa rašeńni zasnavalnika ŭstanovy adukacyi.
«Heta aznačaje, što baćki zmohuć atrymać taki dazvoł pa miescy pražyvańnia bieź lišniaj ciahaniny i zajaŭ u vyšejšyja instancyi», — rastłumačyli ŭ pres-centry.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary