Pieršy «kvartał biez aŭtamabilaŭ» źjavicca ŭ biełaruskaj stalicy. Dadzienuju kancepcyju realizuje kampanija «A-100 Deviełapmient» u Chvajovym kvartale ŭ Novaj Baravoj.
«Siońnia mnohija minčuki marać pra dvary, volnyja ad aŭtamabilaŭ. Adnak heta praktyčna niemahčyma: ludziam treba niedzie parkavacca! Pry prajektavańni Chvajovaha kvartała my zdoleli nie tolki zrabić vializnuju terytoryju žyłoha kompleksu zakrytaj dla asabistaha aŭtatranspartu, ale i ŭličyć intaresy aŭtamabilistaŭ. Raniej u Miensku ŭžo byli nievialikija prajekty zakrytych dvaroŭ biez mašyn, ale ŭ maštabach cełaha kvartała na płoščy 8,7 hiektara takoje realizujecca ŭpieršyniu», — adznačaje dyrektar «A-100 Deviełapmient» Śviatłana Šeŭlik.
Pavodle jaje słoŭ, uvasableńnie dadzienaj kancepcyi dazvalaje zrabić unutranyja dvary kvartała maksimalna biaśpiečnymi, cichimi i zručnymi dla ŭsich žycharoŭ.
Pry hetym zabiaśpiečanaść žycharoŭ parkovačnymi miescami budzie adnoj z samych vysokich u Minsku: na naziemnych parkoŭkach pa pierymietry kvartała i na prylehłaj terytoryi možna budzie raźmiaścić da 1242 aŭtamabilaŭ, u padziemnym parkinhu, raźmieščanym pad samim kvartałam, — jašče 188. Takim čynam, na kožnuju kvateru pa płanie advodzicca adno parkovačnaje miesca.
Dziela zručnaści spažyŭcoŭ asabistaha aŭtatranspartu ŭ budynkach, raźmieščanych pobač z naziemnymi parkoŭkami, buduć zroblenyja skraznyja padjezdy. Heta dazvolić skaracić darohu ad kvatery da aŭtamabila da minimumu, pry hetym zaŭsiody budzie zručny vychad va ŭnutrany zakryty dvor.
Ujezd unutr kvartała dazvolać tolki śpiecyjalnamu aŭtatranspartu. U dvarach buduć raźbityja zialonyja zony, stvoranyja dyzajnierskija dziciačyja placoŭki dla roznych uzrostaŭ, prakładzieny piešachodnyja i vieładarožki. Taksama praduhledžana stvareńnie «centralnaj płoščy» sa scenaj dla arhanizacyi śviatočnych mierapryjemstvaŭ i zonaj aktyŭnaha adpačynku.
Na terytoryi kvartała zachavajuć sasnovy skvier z darosłymi drevami, u jakim buduć dźvie paasobnyja zony: zona adpačynku i placoŭka dla vyhułu sabak.
U kampanii adznačajuć, što asablivaja ŭvaha pry raspracoŭcy kancepcyi nadavałasia biaśpiecy i kamfortu žycharoŭ. U pryvatnaści, usia prastora, uklučajučy dvary i parkoŭki, budzie abstalavanaje kamierami videanazirańnia, u zonach adpačynku praduhledžany razietki dla zaradki mabilnych telefonaŭ, jakija siłkujucca ad soniečnych batarej, u dvarach ŭstalavany mademy dla razdačy biaspłatnaha Wi-Fi.
Ahulnaja płošča budučaha kvartała składaje amal 9 hiektaraŭ. Zhodna z płanam, tut budzie pabudavana 15 žyłych damoŭ roznaj vyšynnaści — ad 4-ch da 23-ch pavierchaŭ, u jakich raźmieściacca 1430 kvater, i dziciačy sad na 150 miescaŭ. Ahulnaja płošča žylla — 77 150 kv.m. U cełym Sasnovy kvartał raźličany na 2600 žycharoŭ. Pieršyja damy buduć zdadzieny ŭžo ŭ žniŭni 2017 hoda, a całkam kvartał płanujecca zabudavać da kanca 2018 hoda.
Kamientary