Vice-premjer Rasii Arkadź Dvarkovič i jaho kaleha ź Biełarusi Uładzimir Siamaška abmierkavali 10 lutaha ŭ Maskvie hazavaje pytańnie, pieramovy praciahvajucca, paviedamiŭ žurnalistam kiraŭnik Minenierha Rasii Alaksandr Novak, piša ria.ru.
Na pytańnie, ci abmiarkoŭvali baki 10 lutaha hazavaje pytańnie, Novak adkazaŭ: «Tak».
«Pieramovy praciahvajucca, praces jašče idzie. Razhladajucca roznyja raźliki, ličby, varyjanty. U cełym razhladajecca sistema ŭzajemaadnosinaŭ na doŭhaterminovuju pierśpiektyvu. Pry biezumoŭnym razumieńni taho, što daŭhi za minuły hod pavinny być pahašany», - dadaŭ jon.
Pamiž Rasijaj i Biełaruśsiu ŭ minułym hodzie razhareŭsia naftahazavy kanflikt, nahadvaje Tut.by.
Jon pačaŭsia z taho, što ŭ suviazi z suśvietnym padzieńniem cenaŭ na enierhanośbity Minsk nazvaŭ spraviadlivaj canu na haz, jaki pastaŭlajecca ŭ Biełaruś, u pamiery 73 dalaraŭ za 1 tys. kubamietraŭ. Rasija dahetul nastojvała na vykanańni dziejučaha kantraktu: cana Jamała plus tranzit, zachoŭvańnie i realizacyja na miascovym rynku. Ciapier cana na haz dla Biełarusi składaje 132 dalary za 1000 kubamietraŭ.
Z hazavym pytańniem uviazana i skaračeńnie pastavak nafty ŭ Biełaruś. Vice-premjer Rasii Arkadź Dvarkovič zajaviŭ, što Rasija z-za niedapłaty za pastaŭki hazu pryniała rašeńnie ab skaračeńni pastavak nafty ŭ Biełaruś. Jon taksama zajaviŭ, što ŭrehulavańnie hazavaj sprečki pamiž Rasijaj i Biełaruśsiu mahčyma ŭ sudovym paradku.
Pa apošnich dadzienych, suma zapazyčanaści Minska pierad Maskvoj za pastaŭki rasijskaha hazu składzie 550 miljonaŭ dalaraŭ.
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary