Jak budzie vyhladać Minsk City Mall pobač z vakzałam FOTY
Jašče adzin bujny handlova-zabaŭlalny centr źjavicca ŭ samym sercy biełaruskaj stalicy.
U nastupnym hodzie pobač sa staličnym čyhunačnym vakzałam płanujecca pačać budaŭnictva handlova-zabaŭlalnaha kompleksu Minsk City Mall. Prajekt realizuje hrupa Amtel, zasnavanaja rasiejskim biznesmienam indyjskaha pachodžańnia Sudchiram Hupta.
Ciapier handlova-zabaŭlalny kompleks znachodzicca ŭ stadyi prajektavańnia. «Kanceptualny architektar prajekta — mižnarodnaja kampanija Chapman Taylor», — adznačyli ŭ kamientary Naviny.by pradstaŭniki deviełapierskaha padraździaleńnia hrupy Amtel Properties.
Termin budaŭnictva — da troch hadoŭ paśla prachodžańnia ekśpiertyzy prajekta. Abjom inviestycyj — nie mienš za 20 młn dalaraŭ.
Ahulnaja płošča handlova-zabaŭlalnaha kompleksu, dzie buduć pradstaŭleny bujnyja nacyjanalnyja i mižnarodnyja brendy, składzie kala 50 tys. kv. m. Učastak pad zabudovu raźmieščany ŭ rajonie vulic Družnaj i Tałstoha, u niepasrednaj blizkaści ad stancyi mietro «Vakzalnaja», jakaja jakraz budujecca.
Kamientary