Park vysokich technałohij u lutym papoŭniŭsia novymi rezidentami, ź ich ulikam kolkaść rezidentaŭ parku dasiahnuła 165, paviedamlaje administracyja PVT.
Tak, na pasiadžeńni naziralnaha savieta PVT 10 lutaha ŭ jakaści novych rezidentaŭ PVT byli zarehistravanyja piać IT-kampanij: TAA «Niekstsoft» — śpiecyjalizujecca na raspracoŭcy prahramnaha zabieśpiačeńnia (PZ) na zamovu ŭ śfiery web- i mobile-technałohij; TAA «BiełPrajm» — praduktovaja kampanija, śpiecyjalizujecca na raspracoŭcy PZ u śfiery internet-markietynhu; TAA «Jiełaŭ soft» — śpiecyjalizujecca na raspracoŭcy mabilnych prahram, vobłačnych sistem i sistem elektronnaha dakumientaabarotu ŭ śfiery industryi padarožžaŭ, bankaŭskaj spravy i telekamunikacyj; TAA «Softareks Technoładžyjes» — śpiecyjalizujecca na raspracoŭcy PZ u śfiery achovy zdaroŭja, dystancyjnaj adukacyi, enierhietyki, internetu rečaŭ, kampjutarnaha zroku i prahramnaj inžynieryi; UP «AndersienBieł» — śpiecyjalizujecca na raspracoŭcy PZ u śfiery achovy zdaroŭja, bankaŭskaj spravy, multymiedyja.
Na pasiadžeńni taksama byŭ uchvaleny novy biźnies-prajekt rezidenta PVT TAA «Epal Soft», jaki praduhledžvaje pašyreńnie pieraliku vidaŭ dziejnaści hetaj kampanii.
Razam z hetym TAA «Nivał Nietvark», STAA «Likavyja mietady», TAA «PMiS-Softpradukt» i TAA «Aščadbank-Technałohii» pazbaŭlenyja statusu rezidenta PVT.
U 2016 hodzie biełaruskamu Parku vysokich technałohij spoŭniłasia dziesiać hadoŭ. Štohod u PVT stvarajecca pryblizna try tysiačy novych pracoŭnych miescaŭ. Ekspart prahramnaha zabieśpiačeńnia ź Biełarusi za dziesiać hadoŭ vyras bolš jak u 46 razoŭ i skłaŭ u 2015 hodzie amal 800 młn dalaraŭ ZŠA.
Ciapier čytajuć
Što adbyvałasia za kratami z zatrymanymi pa spravie ab padryvie rasijskaha samalota A-50 u Mačuliščach1
Kamientary