Apazicyjny aktyvist Ildar Dadzin pakinuŭ vypraŭlenčuju kałoniju Rubcoŭska ŭ Ałtajskim krai, paviedamlaje VVS.
Rašeńnie prezidyuma Viarchoŭnaha sudu Rasii ab admienie prysudu aktyvistu, asudžanamu na 2,5 hady pazbaŭleńnia voli za nieadnarazovaje parušeńnie praviłaŭ praviadzieńnia masavych mierapryjemstvaŭ, było vyniesienaje ŭ minułuju sieradu i ŭstupiła ŭ siłu nieadkładna.
Adnak uvieś hety čas Dadzin pa-raniejšamu znachodziŭsia ŭ kałonii — jak tłumačyła turemnaja administracyja, z-za adsutnaści aficyjnaj papiery ź Viarchoŭnaha suda.
Na vychadzie z turmy Ildara sustrakała žonka Nastaśsia i žurnalisty.
«Hałoŭnaje, čamu ja vyžyŭ u tych umovach, u jakich ja byŭ — heta sumlennyja ludzi, — zajaviŭ Dadzin. — Žonka maja ŭ sercach časam kazała, što ŭ Rasii niama hramadzianskaj supolnaści. Ale kali b u Rasii nie było hramadzianskaj supolnaści, to nie było b i mianie».
«Ja padrychtavaŭsia da pasadki. Razumieŭ, što, raz užo za repost sadžajuć, to i mianie mohuć — i padrychtavaŭsia da pasadki», — pryznaŭsia jon, adnak dadaŭ, što z momantu zaklučeńnia tolki «pierakanaŭsia ŭ tym, što pastupiŭ pravilna — i što mienavita tak i treba pastupać».
Pa słovach Ildara, jon nie hatovy adrazu ž akunacca nazad u apazicyjnuju dziejnaść i «zaŭtra ž ustavać u pikiety», ale abaviazkova jaje praciahnie paśla nievialikaha pierapynku — maksimum praz paŭhoda.
Jon taksama zapeŭniŭ prysutnych, što ni ŭ jakim vypadku nie maje namieru źjazdžać z Rasii.
-
Francyja, Hiermanija i Vialikabrytanija papiaredzili Iran pra mahčymaść vajennaha ŭmiašańnia
-
U Techasie mužčyna rasstralaŭ natoŭp kala bara. ŚMI źviazvajuć heta z amierykanskimi ŭdarami pa Iranie
-
ZŠA paćvierdzili vykarystańnie stełs-bambardziroŭščykaŭ B-2 dla ŭdaraŭ pa Iranie. Jany vykanali biespasadačny pieralot praz pałovu śvietu z bazy ŭ Misury
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy20
Kamientary