Polski jeŭradeputat Januš Korvin-Mikie (Janusz Korwin-Mikke) abraźliva vykazaŭsia ŭ adras žančyn padčas svajho vystupu ŭ Jeŭraparłamiencie. Pra heta paviedamlaje ŭ piatnicu, 3 sakavika, The Independent.
«Viadoma, žančyny pavinny zarablać mienš za mužčyn, bo jany słabiejšyja, mienšyja i mienš razumnyja», — zajaviŭ 74-hadovy palityk.
U jakaści tłumačeńnia svajoj pazicyi Korvin-Mikie paviedamiŭ, što ŭ top-100 najlepšych šachmatystaŭ niama ni adnoj žančyny.
Słovy polskaha palityka vyklikali abureńnie siarod mnohich jaho kaleh. Tak, ispanski jeŭradeputat Irače Harsija Pieres (Iratxe Garcia Perez) zajaviła: «Kab była vaša vola, u mianie b uvohule nie było prava być členam parłamienta. Upeŭnienaja, što vy vielmi rasčaravanyja tym faktam, što my, žančyny, možam pradstaŭlać hramadzian na tych ža pravach, što i vy ».
Pavodle jaje, «nieabchodna abaraniać jeŭrapiejskich žančyn ad takich mužčyn», jak Korvin-Mikie.
Polskaha deputata nie raz štrafavali za rasisckija i seksisckija vykazvańni padčas debataŭ. Tak, raniej Korvin-Mikie zajaviŭ, što «na punkt hledžańnia žančyny ŭpłyvaje mužčyna, ź jakim jana śpić».
Ciapier kiraŭnictva parłamienta vyrašaje, ci varta padvierhnuć jaho jakomu-niebudź spahnańniu.
U Polščy Korvin-Mikie maje reputacyju błazna. Jon taksama adznačyŭsia suviaziami z Rasijaj.
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi3
Kamientary